ਪਾਣੀਪਤ,ਲੋਕਬਾਣੀ-- ਇਸ ਵੇਲੇ ਦੀ ਵੱਡੀ ਖ਼ਬਰ ਹਰਿਆਣਾ ਦੇ ਪਾਣੀਪਤ ਜ਼ਿਲ੍ਹੇ ਦੇ ਪਿੰਡ ਨਾਰਾ ਤੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਨੂੰਹ ਦੇ ਪਹਿਰਾਵੇ ਅਤੇ ਰੋਜ਼ਾਨਾ ਦੇ ਝਗੜਿਆਂ ਤੋਂ ਪ੍ਰੇਸ਼ਾਨ ਹੋ ਕੇ ਸੱਸ-ਸਹੁਰੇ ਨੇ ਜ਼ਹਿਰੀਲਾ ਪਦਾਰਥ ਨਿਗਲ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ। ਮ੍ਰਿਤਕ ਦੀ ਪਛਾਣ ਰਾਜੇਸ਼ ਅਤੇ ਉਸਦੀ ਪਤਨੀ ਸੁਮਨ ਵਜੋਂ ਹੋਈ ਹੈ। ਪਰਿਵਾਰਕ ਮੈਂਬਰਾਂ, ਅਨੁਸਾਰ ਨੂੰਹ ਸਨੇਹਾ ਦਿਲੀ ਦੇ ਇਕ ਆਧੁਨਿਕ ਪਰਿਵਾਰ ਵਿਚ ਪਲੀ-ਬੜੀ ਸੀ ਅਤੇ ਉਹ ਵਿਆਹ ਤੋਂ ਬਾਅਦ ਪਿੰਡ ਦੇ ਮਾਹੌਲ ਵਿਚ ਢਲਣ ਲਈ ਤਿਆਰ ਨਹੀਂ ਸੀ। ਸੱਸ-ਸੋਹਰੇ ਨੂੰ ਨੂੰਹ ਦੇ ਛੋਟੇ ਕੱਪੜਿਆਂ ਅਤੇ ਪਹਿਰਾਵੇ 'ਤੇ ਇਤਰਾਜ਼ ਸੀ। ਉਹ ਚਾਹੁੰਦੇ ਸਨ ਨੂੰਹ ਸੂਟ ਤੇ ਸਾੜੀ ਪਹਿਨੇ, ਪਰ ਸਨੇਹਾ ਨੂੰ ਇਹ ਪਾਬੰਦੀਆਂ ਮਨਜੂਰ ਨਹੀਂ ਸਨ। ਇਸ ਤੋਂ ਇਲਾਵਾ ਉਹ ਇੰਸਟਾਗ੍ਰਾਮ ਤੇ ਰੀਲਜ਼ ਬਣਉਣ ਦੀ ਸ਼ੋਕੀਨ ਸੀ, ਜਿਸ ਨੂੰ ਲੈਕੇ ਘਰ ਵਿਚ ਅਕਸਰ ਟੋਕਾ-ਟਾਕੀ ਹੁੰਦੀ ਸੀ। ਪਰਿਵਾਰ ਨੇ ਦੋਸ਼ ਲਾਇਆ ਹੈ ਕਿ ਸਨੇਹਾ ਅਕਸਰ ਆਪਣੀ ਸੱਸ ਸੁਮਨ ਨਾਲ ਬਦਤਮੀਜ਼ੀ ਅਤੇ ਮਾਰਕੁੱਟ ਕਰਦੀ ਸੀ। ਦੁਖਦਾਈ ਪਹਿਲੂ ਇਹ ਰਿਹਾ ਕਿ ਪੁੱਤਰ ਆਸ਼ੀਸ਼ ਆਪਣੇ ਮਾਪਿਆਂ ਦਾ ਸਾਥ ਦੇਣ ਦੀ ਬਜਾਏ ਆਪਣੀ ਪਤਨੀ ਦਾ ਪੱਖ ਲੈਂਦਾ ਸੀ।ਸ਼ਨੀਵਾਰ ਦੁਪਹਿਰ ਨੂੰ ਇਸੇ ਗੱਲ ਨੂੰ ਲੈ ਕੇ ਘਰ ਵਿੱਚ ਭਾਰੀ ਕਲੇਸ਼ ਹੋਇਆ, ਜਿਸ ਤੋਂ ਬਾਅਦ ਮਾਨਸਿਕ ਤਣਾਅ ਵਿੱਚ ਆਏ ਜੋੜੇ ਨੇ ਸਲਫਾਸ ਖਾ ਲਈ।ਤਬੀਅਤ ਵਿਗੜਨ ‘ਤੇ ਦੋਵਾਂ ਨੂੰ ਤੁਰੰਤ ਪਾਣੀਪਤ ਦੇ ਸਿਵਲ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਸੁਮਨ ਨੂੰ ਮ੍ਰਿਤਕ ਐਲਾਨ ਦਿੱਤਾ।ਰਾਜੇਸ਼ ਦੀ ਗੰਭੀਰ ਹਾਲਤ ਨੂੰ ਦੇਖਦੇ ਹੋਏ ਉਨ੍ਹਾਂ ਨੂੰ ਰੋਹਤਕ ਪੀ.ਜੀ.ਆਈ (PGI) ਰੈਫਰ ਕੀਤਾ ਗਿਆ ਸੀ, ਪਰ ਐਤਵਾਰ ਸਵੇਰੇ ਇਲਾਜ ਦੌਰਾਨ ਉਨ੍ਹਾਂ ਨੇ ਵੀ ਦਮ ਤੋੜ ਦਿੱਤਾ। ਇੱਕੋ ਘਰ ਵਿੱਚੋਂ ਦੋ ਅਰਥੀਆਂ ਉੱਠਣ ਕਾਰਨ ਪੂਰੇ ਪਿੰਡ ਵਿੱਚ ਸੋਗ ਦੀ ਲਹਿਰ ਹੈ।ਨੂੰਹ ਸਮੇਤ ਪੇਕੇ ਪਰਿਵਾਰ ‘ਤੇ ਕੇਸ ਦਰਜਮਤਲੌਡਾ ਥਾਣਾ ਇੰਚਾਰਜ ਐਸ.ਆਈ. ਰਾਕੇਸ਼ ਕੁਮਾਰ ਨੇ ਦੱਸਿਆ ਕਿ ਮ੍ਰਿਤਕ ਰਾਜੇਸ਼ ਦੇ ਭਰਾ ਰਮੇਸ਼ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਨੂੰਹ ਸਨੇਹਾ, ਉਸ ਦੇ ਪਿਤਾ ਅਤੇ ਮਾਂ ਖ਼ਿਲਾਫ਼ ਖ਼ੁਦਕੁਸ਼ੀ ਲਈ ਉਕਸਾਉਣ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।ਪੁਲਿਸ ਵੱਲੋਂ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਲਾਸ਼ਾਂ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ।