Featuredਭਾਰਤਮੁੱਖ ਖਬਰਾਂ ਪ੍ਰਿੰਸੀਪਲ ਨੇ ਆਪਣੇ ਬੇਟੇ ਨਾਲ ਮਿਲ ਕੇ 4 ਸਾਲ ਦੇ ਮਾਸੂਮ ਬੱਚੇ ਨਾਲ ਕੀਤਾ ਭਿਆਨਕ ਕੰਮ May 18, 2024 Lok Bani ਪ੍ਰਿੰਸੀਪਲ ਨੇ ਆਪਣੇ ਬੇਟੇ ਨਾਲ ਮਿਲ ਕੇ 4 ਸਾਲ ਦੇ ਮਾਸੂਮ ਬੱਚੇ ਨਾਲ ਕੀਤਾ ਭਿਆਨਕ ਕੰਮ ਪਟਨਾ ਲੋਕ ਬਾਣੀ ਨਿਊਜ਼: ਪਟਨਾ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਅਧਿਆਪਕ ਮਾਸੂਮ ਬੱਚੇ ਦਾ ਸ਼ਿਕਾਰ ਹੋ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਟਨਾ ਪੁਲਿਸ ਨੇ ਟਿੰਨੀ ਟੋਟ ਅਕੈਡਮੀ ਸਕੂਲ ਦੇ 4 ਸਾਲਾ ਆਯੂਸ਼ ਦੀ ਹੱਤਿਆ ਦੇ ਦੋਸ਼ ਵਿੱਚ ਪ੍ਰਿੰਸੀਪਲ ਅਤੇ ਉਸ ਦੇ ਪੁੱਤਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪ੍ਰਿੰਸੀਪਲ ਦਾ ਪੁੱਤਰ ਸਕੂਲ ਦਾ ਡਾਇਰੈਕਟਰ ਹੈ। ਪੁਲਸ ਵੱਲੋਂ ਪੁੱਛਗਿੱਛ ਕਰਨ ‘ਤੇ ਪ੍ਰਿੰਸੀਪਲ ਵੀਨਾ ਝਾਅ ਨੇ ਦੱਸਿਆ ਕਿ ਸਕੂਲ ‘ਚ ਖੇਡਦੇ ਸਮੇਂ ਆਯੂਸ਼ ਸਲਾਈਡਰ ਤੋਂ ਡਿੱਗ ਕੇ ਬੇਹੋਸ਼ ਹੋ ਗਿਆ ਅਤੇ ਉਸ ਦੇ ਸਿਰ ‘ਚੋਂ ਕਾਫੀ ਖੂਨ ਵਹਿ ਰਿਹਾ ਸੀ। ਅਸੀਂ ਡਰ ਗਏ ਅਤੇ ਮੈਂ ਆਪਣੇ ਬੇਟੇ ਧਨਰਾਜ ਝਾਅ ਨੂੰ ਇਸ ਬਾਰੇ ਦੱਸਿਆ। ਮੈਂ ਅਤੇ ਮੇਰੇ ਬੇਟੇ ਨੇ ਪਹਿਲਾਂ ਖੂਨ ਦੇ ਦਾਗ ਪੂੰਝੇ ਅਤੇ ਫਿਰ ਬੱਚੇ ਨੂੰ ਗਟਰ ਵਿੱਚ ਸੁੱਟ ਦਿੱਤਾ। ਅਸੀਂ ਸੋਚਿਆ ਕਿ ਇਸ ਬਾਰੇ ਕਿਸੇ ਨੂੰ ਕੁਝ ਪਤਾ ਨਹੀਂ ਲੱਗੇਗਾ ਅਤੇ ਅਸੀਂ ਬਚ ਜਾਵਾਂਗੇ। ਜਾਣਕਾਰੀ ਦਿੰਦੇ ਹੋਏ ਪੁਲਸ ਨੇ ਦੱਸਿਆ ਕਿ ਵੀਰਵਾਰ ਦੁਪਹਿਰ ਕਰੀਬ 3 ਵਜੇ ਆਯੂਸ਼ ਦੀ ਲਾਸ਼ ਗਟਰ ‘ਚੋਂ ਮਿਲੀ। ਉਹ ਇਸੇ ਸਕੂਲ ਦੀ ਨਰਸਰੀ ਵਿੱਚ ਪੜ੍ਹਦਾ ਸੀ। ਪਰਿਵਾਰ ਦੇ ਬਿਆਨਾਂ ਦੇ ਆਧਾਰ ‘ਤੇ ਰਿਪੋਰਟ ਦਰਜ ਕਰ ਲਈ ਗਈ ਹੈ ਅਤੇ ਦੋਸ਼ੀਆਂ ਖਿਲਾਫ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। Share the News
