ਬੀ.ਡੀ.ਪੀ.ਓ. ਮਨਜਿੰਦਰ ਕੌਰ ਨੇ ਬਲਾਕ ਭੋਗਪੁਰ ਦਾ ਚਾਰਜ ਸੰਭਾਲਿਆ…..

ਬੀ.ਡੀ.ਪੀ.ਓ. ਮਨਜਿੰਦਰ ਕੌਰ ਨੇ ਬਲਾਕ ਭੋਗਪੁਰ ਦਾ ਚਾਰਜ ਸੰਭਾਲਿਆ…..
ਮਨਜਿੰਦਰ ਕੌਰ ਦੇ ਆਉਣ ਨਾਲ ਵਿਕਾਸ ਕੰਮਾਂ ਵਿਚ ਤੇਜ਼ੀ ਆਵੇਗੀ : ਸਾਬੀ ਸਰਪੰਚ
ਭੋਗਪੁਰ, ( ਮਿਨਹਾਸ )- ਬਲਾਕ ਵਿਕਾਸ ਤੇ ਪੰਚਾਇਤ ਦਫ਼ਤਰ ਭੋਗਪੁਰ ਵਿਖੇ ਮਨਜਿੰਦਰ ਕੌਰ ਬੀ.ਡੀ.ਪੀ.ਓ. ਨੇ ਅੱਜ ਸਰਪੰਚਾਂ, ਚੇਅਰਮੈਨ ਬਲਾਕ ਸੰਮਤੀ ਦੀ ਮੌਜੂਦਗੀ ਵਿਚ ਆਪਣਾ ਅਹੁਦਾ ਸੰਭਾਲਿਆ। ਬੀ.ਡੀ.ਪੀ.ਓ. ਮਨਜਿੰਦਰ ਕੌਰ ਇਸ ਤੋਂ ਪਹਿਲਾਂ ਗੜ੍ਹਸ਼ੰਕਰ ਵਿਖੇ ਬਤੌਰ ਬੀ.ਡੀ.ਪੀ.ਓ. ਸੇਵਾ ਨਿਭਾਅ ਰਹੇ ਸਨ। ਮਨਜਿੰਦਰ ਕੌਰ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਬਲਾਕ ਭੋਗਪੁਰ ਅੰਦਰ ਵਿਕਾਸ ਕੰਮ ਕਰਵਾਉਣਗੇ ਅਤੇ ਕੋਸ਼ਿਸ਼ ਕਰਨਗੇ ਕਿ ਸਰਪੰਚਾਂ ਨੂੰ ਕੋਈ ਮੁਸ਼ਕਿਲ ਨਾ ਆਵੇ। ਇਸ ਮੌਕੇ ਉਨ੍ਹਾਂ ਨੂੰ ਗੁਲਦਸਤਾ ਭੇਟ ਕਰਦਿਆਂ ਚੇਅਰਮੈਨ ਸਤਨਾਮ ਸਿੰਘ ਕੌਹਜਾ। ਸਰਪੰਚ ਸਤਨਾਮ ਸਿੰਘ ਸਾਬੀ ਮੋਗਾ ਤੇ ਭੁਪਿੰਦਰ ਸੈਣੀ ਸੀਨੀਅਰ ਕਾਂਗਰਸੀ ਆਗੂ ਨੇ ਕਿਹਾ ਕਿ ਮਨਜਿੰਦਰ ਕੌਰ ਪਹਿਲਾਂ ਵੀ ਬੀ.ਡੀ.ਪੀ.ਓ. ਵਜੋਂ ਭੋਗਪੁਰ ਵਿਚ ਕਾਰਜ ਕਰ ਚੁੱਕੇ ਹਨ ਅਤੇ ਹੁਣ ਉਨ੍ਹਾਂ ਦੀ ਨਿਯੁਕਤੀ ਭੋਗਪੁਰ ਵਿਖੇ ਹੋਣ ਨਾਲ ਵਿਕਾਸ ਦੇ ਕੰਮਾਂ ਵਿਚ ਤੇਜ਼ੀ ਆਵੇਗੀ। ਇਸ ਮੌਕੇ ਉਨ੍ਹਾਂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ, ਪੰਚਾਇਤ ਮੰਤਰੀ ਤ੍ਰਿਪਤ ਰਜਿੰਦਰ ਸਿੰਘ ਬਾਜਵਾ, ਚੌਧਰੀ ਸੰਤੋਖ ਸਿੰਘ, ਮਹਿੰਦਰ ਸਿੰਘ ਕੇਪੀ ਤੇ ਕਮਲਜੀਤ ਸਿੰਘ ਲਾਲੀ ਦਾ ਉਚੇਚਾ ਧੰਨਵਾਦ ਕੀਤਾ। ਇਸ ਮੌਕੇ ਸਰਪੰਚ ਲਹਿੰਬਰ ਸਿੰਘ ਮਾਣਕਰਾਏ, ਸਰਪੰਚ ਸੋਢੀ ਰਾਮ ਚੱਕ ਝੰਡੂ, ਸਰਪੰਚ ਜਗਤਾਰ ਸਿੰਘ ਖਾਨਕੇ, ਸਰਪੰਚ ਕੁਲਵਿੰਦਰ ਸਿੰਘ ਰਾਸਤਗੋ, ਸਰਪੰਚ ਗੁਰਪ੍ਰੀਤ ਕੌਰ ਸੋਹਲਪੁਰ, ਸਰਪੰਚ ਬਲਵਿੰਦਰ ਸਿੰਘ ਇੱਟਾਬੱਧੀ, ਸਰਪੰਚ ਹਰਜਿੰਦਰ ਸਿੰਘ ਗੀਗਨਵਾਲ, ਸਰਪੰਚ ਰਛਪਾਲ ਸਿੰਘ ਜੱਫਲਾਂ, ਸਰਪੰਚ ਸਤੀਸ਼ ਕੁਮਾਰ ਘੋੜਾਵਾਹੀ, ਸਰਪੰਚ ਸੁਖਵਿੰਦਰ ਸਿੰਘ ਲਾਹਦੜਾ, ਸਰਪੰਚ ਕੁਲਦੀਪ ਕੌਰ ਆਲਮਗੀਰ, ਸਰਪੰਚ ਦਲਵੀਰ ਸਿੰਘ, ਸਰਪੰਚ ਜਸਪ੍ਰੀਤ ਸਿੰਘ ਜੈਪਾ ਤੇ ਹੋਰ ਹਾਜ਼ਰ ਸਨ।