ਕਿਥੇ ਕਾਬੂ ਕੀਤੇ 2 ਨਸ਼ਾ ਤਸਕਰ ਮਾਮਲਾ ਦਰਜ ……..

ਕਿਥੇ ਕਾਬੂ ਕੀਤੇ 2 ਨਸ਼ਾ ਤਸਕਰ ਮਾਮਲਾ ਦਰਜ
ਮੋਹਾਲੀ ( ਪੰਕਜ ) ਐੱਸ. ਟੀ. ਐੱਫ. ਵਲੋਂ ਗੁਪਤ ਸੂਚਨਾ ਦੇ ਅਧਾਰ ‘ਤੇ (ਮੁਹਾਲੀ) ਵਿਚਲੇ ਲਾਂਡਰਾ ਰੋਡ ‘ਤੇ ਪੈਂਦੇ ਨਾਲੇ ਦੇ ਪੁਲ ਕੋਲੋਂ ਨਾਕਾਬੰਦੀ ਕਰਕੇ 2 ਨੌਜਵਾਨਾਂ ਨੂੰ 40 ਗ੍ਰਾਮ ਹੈਰੋਇਨ ਸਮੇਤ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਉਕਤ ਨੌਜਵਾਨਾਂ ਦੀ ਪਛਾਣ ਸੁਖਦੀਪ ਸਿੰਘ ਵਾਸੀ ਪਿੰਡ ਮਾਧੋਪੁਰ ਜੱਲੋਵਾਲ (ਕਪੂਰਥਲਾ) ਅਤੇ ਹਰਕੀਤ ਕੁਮਾਰ ਵਾਸੀ ਪਿੰਡ ਛੱਜੂ ਭੱਟ (ਨਾਭਾ) ਵਜੋਂ ਹੋਈ ਹੈ | ਇਸ ਸਬੰਧੀ ਐਸ. ਟੀ. ਐਫ. ਦੇ ਅਧਿਕਾਰੀ ਨੇ ਦੱਸਿਆ ਕਿ ਗੁਪਤ ਸੂਚਨਾ ਮਿਲੀ ਸੀ ਕਿ 2 ਨੌਜਵਾਨ ਜੋ ਕਿ ਨਸ਼ਾ ਤਸਕਰੀ ਦਾ ਕੰਮ ਕਰਦੇ ਹਨ, ਲਾਂਡਰਾ ਰੋਡ ਰਾਹੀਂ ਖਰੜ ਵੱਲ ਨੂੰ ਜਾ ਰਹੇ ਹਨ | ਐਸ. ਆਈ. ਹਰਭਜਨ ਸਿੰਘ ਨੇ ਤੁਰੰਤ ਕਾਰਵਾਈ ਕਰਦਿਆਂ ਲਾਂਡਰਾਂ ਰੋਡ ਕੋਲੋਂ ਨਾਕਾਬੰਦੀ ਕਰਕੇ ਸੁਖਦੀਪ ਸਿੰਘ ਅਤੇ ਹਰਕੀਤ ਕੁਮਾਰ ਜੋ ਕਿ ਟਾਟਾ ਸਫਾਰੀ ਗੱਡੀ ‘ਚ ਸਵਾਰ ਸੀ ਨੂੰ 40 ਗ੍ਰਾਮ ਹੈਰੋਇਨ ਸਮੇਤ ਗਿ੍ਫਤਾਰ ਕਰ ਲਿਆ | ਉਨ੍ਹਾਂ ਦੱਸਿਆ ਕਿ ਉਕਤ ਮੁਲਜ਼ਮ ਦੀ ਪੁੱਛਗਿੱਛ ਦੌਰਾਨ ਖੁਲਾਸਾ ਹੋਇਆ ਕਿ ਉਹ ਦੋਵੇਂ ਕਰੀਬ ਡੇਢ ਸਾਲ ਪਹਿਲਾਂ ਸਿੰਘਾਪੁਰ ਗਏ ਸੀ, ਜਿੱਥੇ ਉਨ੍ਹਾਂ ਦੋਵਾਂ ਦੀ ਮੁਲਾਕਾਤ ਹੋਈ ਸੀ | ਸਿੰਘਾਪੁਰ ‘ਚ ਕੰਮ ਕਾਜ ਨਾ ਮਿਲਣ ਕਾਰਨ ਉਹ ਭਾਰਤ ਆ ਗਏ ਅਤੇ ਇੱਥੇ ਦੋਵਾਂ ਦੀ ਮੁੜ ਮੁਲਾਕਾਤ ਹੋਈ ਅਤੇ ਉਹ ਦਿੱਲੀ ਤੋਂ ਕਿਸੇ ਨਾਈਜੀਰੀਅਨ ਕੋਲੋਂ ਹੈਰੋਇਨ ਖਰੀਦ ਕੇ ਨਸ਼ਾ ਤਸਕਰੀ ਦੇ ਕੰਮ ‘ਚ ਪੈ ਗਏ | ਉਕਤ ਨੌਜਵਾਨਾਂ ਦੀ ਪੁੱਛਗਿੱਛ ਦੌਰਾਨ ਸਾਹਮਣੇ ਆਇਆ ਹੈ ਕਿ ਉਨ੍ਹਾਂ ਅਪ੍ਰੈਲ 2019 ਤੋਂ ਨਸ਼ਾ ਤਸਕਰੀ ਦਾ ਕੰਮ ਸ਼ੁਰੂ ਕੀਤਾ ਸੀ |