ਪੁਲਿਸ ਵਲੋਂ ਕਲੱਬ, ਪੱਬ ਤੇ ਡਿਸਕੋ ‘ਤੇ ਕੀਤੀ ਛਾਪੇਮਾਰੀ……..

ਪੁਲਿਸ ਵਲੋਂ ਕਲੱਬ, ਪੱਬ ਤੇ ਡਿਸਕੋ ‘ਤੇ ਕੀਤੀ ਛਾਪੇਮਾਰੀ……..
ਚੰਡੀਗੜ ( ਪੰਕਜ ) ਚੰਡੀਗੜ੍ਹ ਪੁਲਿਸ ਵਲੋਂ ਵੱਖ-ਵੱਖ ਥਾਵਾਂ ‘ਤੇ ਭਾਲ ਮੁਹਿੰਮ ਤੇ ਕਲੱਬ, ਪੱਬ ਤੇ ਡਿਸਕੋ ‘ਤੇ ਦੇਰ ਰਾਤ ਛਾਪੇਮਾਰੀ ਕੀਤੀ ਜਾ ਰਹੀ ਹੈ | ਇਸੇ ਸਬੰਧ ਵਿਚ ਸਨਿਚਰਵਾਰ ਦੇਰ ਰਾਤ ਡੀ.ਐਸ.ਪੀ. ਈਸਟ ਦਿਲਸ਼ੇਰ ਸਿੰਘ ਚੰਦੇਲ ਦੀ ਅਗਵਾਈ ਹੇਠ ਪੁਲਿਸ ਟੀਮ ਨੇ ਸ਼ਹਿਰ ਦੇ ਡਿਸਕੋ, ਪੱਬ ਅਤੇ ਬਾਰ ਕਲੱਬ ‘ਤੇ ਅਚਾਨਕ ਛਾਪੇਮਾਰੀ ਕੀਤੀ | ਇਸ ਦੌਰਾਨ ਪੁਲਿਸ ਟੀਮ ਨੇ 5 ਨਾਮੀਂ ਡਿਸਕੋ ਤੇ ਪੱਬ ਬਾਰ ਨੂੰ ਨਿਯਮਾਂ ਦੀ ਉਲੰਘਣਾ ਕਰਦੇ ਹੋਏ ਪਾਇਆ | ਇਹ ਡਿਸਕੋ ਤੇ ਬਾਰ ਤੈਅ ਸਮੇਂ ਰਾਤ ਇਕ ਵਜੇ ਦੇ ਬਾਅਦ ਵੀ ਚਲਦੇ ਹੋਏ ਮਿਲਣ ਕਾਰਨ ਪੁਲਿਸ ਟੀਮ ਨੇ ਇਨ੍ਹਾਂ ਿਖ਼ਲਾਫ਼ ਮਾਮਲਾ ਦਰਜ ਕਰਕੇ ਕਾਰਵਾਈ ਕੀਤੀ ਹੈ | ਇਸੇ ਦੌਰਾਨ ਪੁਲਿਸ ਟੀਮ ਨੂੰ ਇਹ ਵੀ ਪਤਾ ਲੱਗਿਆ ਕਿ ਡਿਸਕੋ ਤੇ ਬਾਰ ਮਾਲਕ ਪੁਲਿਸ ਨੂੰ ਚੱਕਮਾ ਦੇ ਕੇ ਆਪਣੇ ਗਾਹਕਾਂ ਨੂੰ ਪਿਛਲੇ ਦਰਵਾਜ਼ੇ ਰਾਹੀਂ ਡਿਸਕੋ ਅੰਦਰ ਦਾਖਲ ਕਰਵਾਉਂਦੇ ਹਨ | ਪੁਲਿਸ ਟੀਮ ਨੇ ਆਪਣੀ ਛਾਪੇਮਾਰੀ ਦੌਰਾਨ ਵੀਡੀਓਗ੍ਰਾਫ਼ੀ ਵੀ ਕੀਤੀ ਹੈ | ਚੰਡੀਗੜ੍ਹ ਦੇ ਨਿਯਮਾਂ ਮੁਤਾਬਿਕ ਰਾਤ 10 ਵਜੇ ਤੋਂ ਬਾਅਦ ਤੇਜ਼ ਆਵਾਜ਼ ਵਿਚ ਡੀ.ਜੇ. ਵਜਾਉਣ ‘ਤੇ ਵੀ ਪਾਬੰਦੀ ਲਗਾਈ ਗਈ ਹੈ ਤੇ ਦੇਰ ਰਾਤ 12 ਵਜੇ ਤੋਂ ਬਾਅਦ ਕਲੱਬ, ਡਿਸਕੋ ਤੇ ਬਾਰ ਵਿਚ ਵਿਸਕੀ ਵਰਤਾਉਣ ‘ਤੇ ਵੀ ਪਾਬੰਦੀ ਲੱਗੀ ਹੋਈ ਹੈ