ਪਾਕਿਸਤਾਨੀ ਰੇਂਜਰਾਂ ਨੇ ਭਾਰਤੀ ਰੇਂਜਰਾਂ ਵੱਲ ਰਾਇਫਲ ਤਾਣੀ

ਪੁਲਵਾਮਾ: ਪੁਲਵਾਮਾ ਅੱਤਵਾਦੀ ਹਮਲੇ ਦਾ ਅਸਰ ਹੁਸੈਨੀਵਾਲਾ ਬਾਰਡਰ ‘ਤੇ ਹੋਣ ਵਾਲੀ ਰਿਟ੍ਰੀਟ ਸੈਰੇਮਨੀ ਵਿਚ ਵੀ ਦਿਖਿਆ। ਅੱਖਾਂ ਦਿਖਾਉਣ ਤੇ ਮੁੱਛਾਂ ਨੂੰ ਵੱਟ ਦੇਣ ਜਿਹੇ ਇਸ਼ਾਰਿਆਂ ਤੋਂ ਬਾਅਦ ਪਾਕਿਸਤਾਨੀ ਰੇਂਜਰ ਨੇ ਭਾਰਤੀ ਰੇਂਜਰ ਵੱਲ ਰਾਇਫਲ ਤਾਣੀ। ਇਸ ਤੋਂ ਬਾਅਦ ਭਾਰਤੀ ਦਰਸ਼ਕਾਂ ਨੇ  ਪਾਕਿ ਦੇ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ। ਹੁਸੈਨੀਵਾਲਾ ਬਾਰਡਰ ‘ਤੇ ਸ਼ੁੱਕਰਵਾਰ ਸ਼ਾਮ ਸਾਢੇ ਚਾਰ ਵਜੇ ਸ਼ੁਰੂ ਹੋਈ ਰਿਟ੍ਰੀਟ ਸੈਰੇਮਨੀ ਵਿਚ ਭਾਰਤੀ ਰੇਂਜਰਾਂ ਦੇ ਐਕਸ਼ਨ ਵਿਚ ਅੱਤਵਾਦੀ ਹਮਲੇ ਦਾ ਗੁੱਸਾ ਸਾਫ਼ ਨਜ਼ਰ ਆ ਰਿਹਾ ਸੀ। ਪਾਕਿ  ਰੇਂਜਰ ਵੀ ਕਾਫੀ ਭੱਦੇ ਐਕਸ਼ਨ ਅਤੇ Îਇਸ਼ਾਰੇ ਕਰ ਰਹੇ ਸਨ। ਇਸ ‘ਤੇ ਪਾਕਿਸਤਾਨ ਵਿਚ ਬੈਠੇ ਦਰਸ਼ਕਾਂ ਨੇ ਤਾੜੀਆਂ ਮਾਰੀਆਂ ਤੇ ਨਾਅਰੇ ਲਗਾਏ। ਇਸ ਦੇ ਜਵਾਬ ਵਿਚ  ਭਾਰਤੀ ਦਰਸ਼ਕਾਂ ਵਿਚੋਂ ਇੱਕ ਸਿੱਖ ਨੇ ਖੜ੍ਹੇ ਹੋ ਕੇ ਉਚੀ ਆਵਾਜ਼ ਵਿਚ ਬੋਲੇ ਸੋ ਨਿਹਾਲ ਸਤਿ ਸ੍ਰੀ ਅਕਾਲ ਦਾ ਨਾਅਰਾ ਲਗਾਇਆ। ਇਸ ਨਾਅਰੇ ਤੋਂ ਬਾਅਦ ਪਾਕਿ ਰੇਂਜਰਾਂ ਦੇ ਐਕਸ਼ਨ ਅਤੇ ਇਸ਼ਾਰੇ ਹੋਰ ਵੀ ਜ਼ਿਆਦਾ ਭੱਦੇ ਹੋ ਗਏ। ਇੱਕ ਪਾਕਿ ਰੇਂਜਰ ਨੇ ਅਪਣੇ ਦੋਵੇਂ ਹੱਥਾਂ ਤੋਂ ਇਸ ਤਰ੍ਹਾਂ ਇਸ਼ਾਰਾ ਕੀਤਾ ਜਿਵੇਂ ਤਲਵਾਰ ਚਲਾ ਰਿਹਾ ਹੋਵੇ।