ਲਾਟਰੀ ਦੀ ਆੜ ‘ਚ ਧੋਖਾਧੜੀ 7 ਫੜੇ …..

ਲਾਟਰੀ ਦੀ ਆੜ ‘ਚ ਧੋਖਾਧੜੀ 7 ਫੜੇ …..
ਨਵਾਂਸ਼ਹਿਰ ( ਸੁਖਵਿੰਦਰ ) ਥਾਣਾ ਸਿਟੀ ਨਵਾਂਸ਼ਹਿਰ ਦੀ ਪੁਲਿਸ ਵਲੋਂ ਬੱਸ ਅੱਡੇ ਨਜ਼ਦੀਕ ਕੀਤੀ ਛਾਪੇਮਾਰੀ ‘ਚ ਲਾਟਰੀ ਦੀ ਆੜ ‘ਚ ਧੋਖਾਧੜੀ ਕਰਨ ਵਾਲੇ 7 ਕਥਿਤ ਦੋਸ਼ੀਆਂ ਨੂੰ ਨਕਦੀ ਤੇ ਹੋਰ ਸਾਮਾਨ ਸਮੇਤ ਵਿਅਕਤੀਆਂ ਨੂੰ ਗਿ੍ਫ਼ਤਾਰ ਕਰਨ ਦੀ ਖ਼ਬਰ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਨਵਾਂਸ਼ਹਿਰ ਦੇ ਮੁਖੀ ਇੰਸਪੈਕਟਰ ਕੁਲਜੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਲਾਟਰੀ ਦੀ ਆੜ ‘ਚ ਕਥਿਤ ਦੋਸ਼ੀ ਲੋਕਾਂ ਨਾਲ ਧੋਖਾਧੜੀ ਕਰਕੇ ਪੈਸਾ ਇਕੱਠਾ ਕਰ ਰਹੇ ਹਨ | ਉਨ੍ਹਾਂ ਦੱਸਿਆ ਕਿ ਸੂਚਨਾ ਦੇ ਅਧਾਰ ‘ਤੇ ਥਾਣਾ ਸਿਟੀ ਨਵਾਂਸ਼ਹਿਰ ਦੇ ਸਬ ਇੰਸਪੈਕਟਰ ਮਹਿੰਦਰ ਸਿੰਘ ਦੀ ਅਗਵਾਈ ‘ਚ ਏ.ਐਸ.ਆਈ. ਪਰਵਿੰਦਰਜੀਤ ਨੇ ਬੌਬੀ ਨਾਂਅ ਦੇ ਲੜਕੇ ਨੂੰ ਘਟਨਾ ਸਥਾਨ ਤੋਂ ਗਿ੍ਫ਼ਤਾਰ ਕਰ ਕੇ ਉਸ ਦੇ ਿਖ਼ਲਾਫ਼ ਮੁਕੱਦਮਾ ਦਰਜ ਕੀਤਾ | ਇਸੇ ਤਰ੍ਹਾਂ ਏ.ਐਸ.ਆਈ. ਜਸਵਿੰਦਰ ਸਿੰਘ ਨੇ ਅਨਿਲ ਕੁਮਾਰ ਤੇ ਸਮੀਰ ਕੁਮਾਰ ਲੱਕੀ ਨੂੰ ਗਿ੍ਫ਼ਤਾਰ ਕਰਕੇ, ਏ.ਐਸ.ਆਈ. ਸ਼ਮਸ਼ੇਰ ਬਹਾਦਰ ਨੇ ਅਕਾਸ਼ਦੀਪ ਅਤੇ ਅਮਿਤ ਕੁਮਾਰ ਨੰੂ ਗਿ੍ਫ਼ਤਾਰ ਕਰਕੇ ਅਤੇ ਏ.ਐਸ.ਆਈ. ਗੁਰਮੇਜ ਲਾਲ ਨੇ ਵਰਿੰਦਰ ਕੁਮਾਰ ਅਤੇ ਤਰਸੇਮ ਲਾਲ ਨੂੰ ਗਿ੍ਫ਼ਤਾਰ ਕਰਕੇ ਮੁਕਦਮੇਂ ਦਰਜ ਕੀਤੇ | ਉਨ੍ਹਾਂ ਦੱਸਿਆ ਕਿ ਗਿ੍ਫ਼ਤਾਰ ਕੀਤੇ ਗਏ ਉਪਰੋਕਤ ਕਥਿਤ ਦੋਸ਼ੀਆਂ ਪਾਸੋਂ 4 ਸੀ.ਪੀ.ਯੂ, 4 ਐਲ.ਈ.ਡੀ., 4 ਕੀ-ਬੋਰਡ, 1 ਪਿ੍ੰਟਰ, 1 ਮਾਊਸ ਅਤੇ 30 ਹਜ਼ਾਰ ਰੁਪਏ ਨਕਦੀ ਬਰਾਮਦ ਕੀਤੀ ਗਈ