ਹਵਾਈ ਅੱਡੇ ਤੋਂ ਕਸਟਮ ਵਿਭਾਗ ਨੇ ਕੀ ਕਾਬੂ ਕੀਤਾ…..

ਹਵਾਈ ਅੱਡੇ ਤੋਂ ਕਸਟਮ ਵਿਭਾਗ ਨੇ ਕੀ ਕਾਬੂ ਕੀਤਾ…..
ਬੰਗਲੁਰੂ ਦੇ ਕੇਮਪੇਗੌੜਾ ਕੌਮਾਂਤਰੀ ਹਵਾਈ ਅੱਡੇ ‘ਤੇ ਲਗਭਗ 5 ਕਿਲੋ ਡਰੱਗਜ਼ ਬਰਾਮਦ ਹੋਇਆ। ਇਸ ਨਸ਼ੇ ਦੀ ਕੀਮਤ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ 5 ਕਰੋੜ ਰੁਪਏ ਹੈ। ਏਅਰਪੋਰਟ ਦੇ ਕਾਰਗੋ ਕੰਪਲੈਕਸ ਵਿੱਚ ਪਾਰਸਲ ਦੀ ਜਾਂਚ ਦੌਰਾਨ, ਕਸਟਮ ਵਿਭਾਗ ਨੂੰ ਵਿਆਹ ਦੇ ਕਾਰਡ ਦੇ ਅੰਦਰੋਂ ਇਹ ਡਰੱਗਜ਼ ਮਿਲਿਆ।
ਕਸਟਮ ਵਿਭਾਗ ਨੂੰ ਵਿਆਹ ਦੇ ਕਾਰਡ ਦੀ ਪੈਕਿੰਗ ਅਤੇ ਕਾਰਡ ਸ਼ੱਕੀ ਲੱਗ ਰਿਹਾ ਸੀ, ਜਿਸ ਤੋਂ ਬਾਅਦ ਵਿਆਹ ਦਾ ਕਾਰਡ ਖੋਲ੍ਹਿਆ ਗਿਆ। ਆਮ ਵਿਆਹ ਵਾਲੇ ਕਾਰਡ ਇਸ ਵਿੱਚ 2 ਸੱਦਾ ਪੱਤਰ ਸੀ। ਇਸ ਨੂੰ ਹਟਾਉਣ ਦੇ ਬਾਅਦ ਵੀ, ਕਾਰਡ ਭਾਰੀ ਦਿਖਾਈ ਦਿੱਤਾ। ਜਦੋਂ ਕਾਰਡ ਖੁੱਲ੍ਹਿਆ ਤਾਂ ਵਿਆਹ ਦੇ ਕਾਰਡ ਦੇ ਅੰਦਰ ਡਰੱਗਜ਼ ਪਾਇਆ ਗਿਆ। ਡਰੱਗ ਨੂੰ ਕਾਰਡ ਦੇ ਵਿਚਕਾਰ ਚਪਟਾ ਕਰਕੇ ਛੁਪਾਇਆ ਗਿਆ ਸੀ। ਪਾਰਸਲ ਦੇ ਅੰਦਰੋਂ ਕੁੱਲ 43 ਵਿਆਹ ਦੇ ਕਾਰਡ ਬਰਾਮਦ ਹੋਏ। ਉਸੇ ਸਮੇਂ, 1 ਵਿਆਹ ਦੇ ਕਾਰਡ ਦਾ ਭਾਰ 120 ਗ੍ਰਾਮ ਮਾਪਿਆ ਗਿਆ।ਜਾਂਚ ਤੋਂ ਪਤਾ ਲੱਗਿਆ ਕਿ ਮਦੁਰਈ ਦੇ ਇੱਕ ਨਿਰਯਾਤ ਵਪਾਰੀ ਨੇ ਆਸਟਰੇਲੀਆ ਲਈ ਇਹ ਪਾਰਸਲ ਬੁੱਕ ਕੀਤਾ ਸੀ। ਕਸਟਮ ਵਿਭਾਗ ਹੁਣ ਉਸ ਨਿਰਯਾਤ ਕਰਨ ਵਾਲੇ ਦੀ ਭਾਲ ਕਰ ਰਿਹਾ ਹੈ ਜਿਸ ਨੇ ਪਾਰਸਲ ਨੂੰ ਆਸਟਰੇਲੀਆ ਭੇਜਿਆ। ਉਸ ਵਿਅਕਤੀ ਦੀ ਭਾਲ ਵੀ ਕੀਤੀ ਜਾ ਰਹੀ ਹੈ ਜਿਸ ਦੇ ਨਾਮ ‘ਤੇ ਇਹ ਡਰੱਗਜ਼ ਆਸਟਰੇਲੀਆ ਭੇਜਿਆ ਗਿਆ ਸੀ।
ਇਸ ਗੱਲ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਸ ਖੁਫੀਆ ਢੰਗ ਨਾਲ ਪਹਿਲਾਂ ਕਿੰਨੀ ਵਾਰ ਨਸ਼ਿਆਂ ਦੀ ਤਸਕਰੀ ਕੀਤੀ ਚੁਕੀ ਹੈ। ਦੱਸ ਦੇਈਏ ਕਿ ਐਫੇਡਰਿਨ ਨਾਮ ਦੇ ਡਰੱਗਜ਼ ‘ਤੇ ਪਾਬੰਦੀ ਹੈ ਜੋ ਐੱਨਡੀਪੀਐੱਸ ਐਕਟ ਦੇ ਤਹਿਤ ਪਾਬੰਦੀਸ਼ੁਦਾ ਹੈ। 18 ਫਰਵਰੀ ਨੂੰ ਵੀ ਕਸਟਮ ਵਿਭਾਗ ਨੇ ਬੰਗਲੌਰ ਏਅਰਪੋਰਟ ਤੋਂ ਅੰਤਰਰਾਸ਼ਟਰੀ ਮਾਰਕੀਟ ਵਿੱਚ 5 ਕਰੋੜ ਰੁਪਏ ਦੀ ਪਾਬੰਦੀਸ਼ੁਦਾ ਡਰੱਗਜ਼ ਬਰਾਮਦ ਕੀਤੀ