ਹੋਟਲ ਦੇ ਮੈਨੇਜਰ ਨਾਲ ਹੋਈ ਕੁੱਟ ਮਾਰ ਤੇ ਲੁੱਟ ਖੋ….

ਹੋਟਲ ਦੇ ਮੈਨੇਜਰ ਨਾਲ ਹੋਈ ਕੁੱਟ ਮਾਰ ਤੇ ਲੁੱਟ ਖੋ….
ਨਵਾਂਸ਼ਹਿਰ ( ਕਲੇਰ ) ਸਿਵਲ ਹਸਪਤਾਲ ਨਵਾਂਸ਼ਹਿਰ ਵਿਖੇ ਜੇਰੇ ਇਲਾਜ ਪਿ੍ੰਸ ਕੁਮਾਰ ਪੁੱਤਰ ਵਿਜੈ ਕੁਮਾਰ ਵਾਸੀ ਪਿੰਡ ਸਾਹਿਬਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਹ ਵੈੱਲਕਮ ਹੋਟਲ ਵਿਖੇ ਕੁਝ ਸਮੇਂ ਤੋਂ ਬਤੌਰ ਮੈਨੇਜਰ ਕੰਮ ਕਰ ਰਿਹਾ ਹੈ | ਉਸ ਨੇ ਕਿਹਾ ਕਿ ਬੀਤੀ ਅੱਧੀ ਰਾਤ ਨੂੰ ਦੋ ਵਿਅਕਤੀ ਜੋ ਕਿ ਹੋਟਲ ‘ਚ ਰੋਟੀ ਦੇ ਨਾਲ-ਨਾਲ ਸ਼ਰਾਬ ਪੀ ਰਹੇ ਸਨ, ਉਹ ਦੋਨੋਂ ਉਸ ਪਾਸ ਆਏ ਤੇ ਕਹਿਣ ਲੱਗੇ ਕਿ ਤੇਰੇ ਪਾਸ ਜਿੰਨਾਂ ਰੁਪਈਆ ਹੈ ਉਹ ਉਨ੍ਹਾਂ ਨੂੰ ਦੇ ਦੇਵੇ | ਉਸ ਨੇ ਕਿਹਾ ਕਿ ਮੈਂ ਅਜਿਹਾ ਕਰਨ ਤੋਂ ਮਨਾ ਕਰ ਦਿੱਤਾ | ਉਨ੍ਹਾਂ ਕਿਹਾ ਕਿ ਉਕਤ ਕਥਿਤ ਦੋਸ਼ੀਆਂ ਨੇ ਇਸ ਉਪਰੰਤ ਉਸ ਦੀ ਕੁਰਸੀ ਦੇ ਪਿੱਛੇ ਬਣੇ ਕੈਸ਼ ਕਾਊਾਟਰ ਕੋਲ ਆ ਕੇ ਉਸ ‘ਤੇ ਕਿਸੇ ਨੁਕੀਲੀ ਚੀਜ਼ ਨਾਲ ਵਾਰ ਕਰ ਦਿੱਤਾ ਜਿਸ ਕਾਰਨ ਉਸ ਨੂੰ ਕੁਝ ਵੀ ਪਤਾ ਨਹੀਂ ਲੱਗਾ ਤੇ ਉਸ ਦੀਆਂ ਅੱਖਾਂ ਮੂਹਰੇ ਹਨੇਰਾ ਆ ਗਿਆ | ਉਸ ਨੇ ਕਿਹਾ ਕਿ ਉਕਤ ਕਥਿਤ ਦੋਸ਼ੀ ਉਸ ਦੀ ਲਗਾਤਾਰ ਕੁੱਟਮਾਰ ਕਰਦੇ ਰਹੇ ਤੇ ਉਸ ਦੀ ਜਾਨ ਲੈਣ ਦੀ ਕੋਸ਼ਿਸ਼ ਕੀਤੀ | ਉਸ ਨੇ ਕਿਹਾ ਕਿ ਮੈਂ ਹੋਟਲ ਦੇ ਅੰਦਰ ਇਕ ਪਾਸੇ ਵੱਲ ਆਪਣੀ ਜਾਨ ਬਚਾਉਣ ਲਈ ਭੱਜਿਆ ਤੇ ਉਹ ਉਸ ਦੇ ਮਗਰ ਵੀ ਆਏ ਤੇ ਉਸ ਦੀ ਪੈਂਟ ਦੀ ਜੇਬ ‘ਚੋਂ ਹੋਟਲ ਦੀ ਸੇਲ ਦੇ 25 ਹਜ਼ਾਰ ਰੁਪਏ ਅਤੇ ਪਹਿਲੇ ਪਏ ਕੁਝ ਰੁਪਏ ਚੁੱਕ ਕੇ ਫ਼ਰਾਰ ਹੋ ਗਏ | ਇਸ ‘ਤੇ ਥਾਣਾ ਸਿਟੀ ਨਵਾਂਸ਼ਹਿਰ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ