ਸੇਵਾ ਮੁਕਤ ਹੋਣ ਦੀ ਪਾਰਟੀ ਮੌਕੇ ਹੋਈ ਲੜਾਈ 1 ਜਖਮੀ ………..

ਸੇਵਾ ਮੁਕਤ ਹੋਣ ਦੀ ਪਾਰਟੀ ਮੌਕੇ ਹੋਈ ਲੜਾਈ 1 ਜਖਮੀ ………..
ਚੰਡੀਗੜ ( ਪੰਕਜ ) ਇਕ ਵਿਅਕਤੀ ਵਲੋਂ ਆਪਣੀ ਮਾਂ ਦੇ ਸੇਵਾ ਮੁਕਤ ਹੋਣ ‘ਤੇ ਰੱਖੇ ਗਏ ਇਕ ਪ੍ਰੋਗਰਾਮ ਦੌਰਾਨ ਆਏ ਦੋ ਮਹਿਮਾਨ ਆਪਸ ਵਿਚ ਉਲਝ ਗਏ | ਇਕ ਨੇ ਦੂਜੇ ‘ਤੇ ਸ਼ਰਾਬ ਦੀ ਬੋਤਲ ਨਾਲ ਹਮਲਾ ਕੀਤਾ ਅਤੇ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ | ਜਾਣਕਾਰੀ ਅਨੁਸਾਰ ਸੈਕਟਰ 29 ਦੇ ਰਹਿਣ ਵਾਲੇ ਅਕਾਸ਼ ਨੇ ਆਪਣੀ ਮਾਂ ਦੇ ਨੌਕਰੀ ਤੋਂ ਸੇਵਾਮੁਕਤ ਹੋਣ ‘ਤੇ ਇਕ ਪ੍ਰੋਗਰਾਮ ਕਰਵਾਇਆ ਸੀ ਜਿੱਥੇ ਉਸ ਨੇ ਆਪਣੇ ਦੋਸਤਾਂ ਨੂੰ ਬੁਲਾਇਆ ਹੋਇਆ ਸੀ | ਪਾਰਟੀ ਵਿਚ ਸੈਕਟਰ 41 ਦਾ ਰਹਿਣ ਵਾਲਾ ਸੰਜੇ ਵੀ ਪਹੁੰਚਿਆ ਹੋਇਆ ਸੀ | ਸੰਜੇ ਅਨੁਸਾਰ ਪਾਰਟੀ ਵਿਚ ਆਏ ਕੁਝ ਲੋਕ ਗ਼ਲਤ ਸ਼ਬਦਾਵਲੀ ਬੋਲ ਰਹੇ ਸਨ ਜਿਸ ‘ਤੇ ਉਸ ਨੇ ਉਨ੍ਹਾਂ ਨੂੰ ਅਜਿਹਾ ਨਾ ਕਰਨ ਲਈ ਕਿਹਾ | ਇਸ ਗੱਲ ਨੂੰ ਲੈ ਕੇ ਉਸ ਦੀ ਉਨ੍ਹਾਂ ਲੋਕਾਂ ਨਾਲ ਬਹਿਸ ਹੋ ਗਈ ਅਤੇ ਇਕ ਵਿਅਕਤੀ ਨੇ ਉਸ ਦੇ ਸਿਰ ਵਿਚ ਬੋਤਲ ਮਾਰ ਕੇ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ | ਪੀੜਤ ਦੇ ਦੋਸਤ ਨੇ ਉਸ ਨੂੰ ਸੈਕਟਰ 32 ਦੇ ਸਰਕਾਰੀ ਹਸਪਤਾਲ ਪਹੁੰਚਾਇਆ ਤੇ ਪੁਲਿਸ ਨੂੰ ਮਾਮਲੇ ਦੀ ਜਾਣਕਾਰੀ ਦਿੱਤੀ ਗਈ | ਸੂਤਰਾਂ ਅਨੁਸਾਰ ਪੀੜਤ ਦੇ ਸਿਰ ‘ਚ ਛੇ ਟਾਂਕੇ ਲੱਗੇ ਹਨ