ਕਿਥੇ ਫੜੇ ਪੁਲਿਸ ਨੇ ਡੇਢ ਕੁਇੰਟਲ ਡੋਡੇ…….

ਕਿਥੇ ਫੜੇ ਪੁਲਿਸ ਨੇ ਡੇਢ ਕੁਇੰਟਲ ਡੋਡੇ…….
ਬੰਗਾ ( ਅਜੇ ਸੋਨਕਾਰ ) ਐਸ.ਐਚ.ਓ. ਥਾਣਾ ਬਹਿਰਾਮ ਨਰੇਸ਼ ਕੁਮਾਰੀ ਦੀ ਅਗਵਾਈ ਵਿਚ ਪੁਲਿਸ ਨੇ ਡੇਢ ਕੁਇੰਟਲ ਡੋਡੇ ਚੂਰਾ ਪੋਸਤ ਸਮੇਤ ਇਕ ਵਿਅਕਤੀ ਨੂੰ ਕਾਬੂ ਕਰਨ ਦੀ ਸਫ਼ਲਤਾ ਪ੍ਰਾਪਤ ਕੀਤੀ | ਇਸ ਸਬੰਧੀ ਥਾਣਾ ਮੁੱਖੀ ਬਹਿਰਾਮ ਮੈਡਮ ਨਰੇਸ਼ ਕੁਮਾਰੀ ਨੇ ਦੱਸਿਆ ਕਿ ਬਹਿਰਾਮ ਪੁਲਿਸ ਇਲਾਕੇ ਵਿਚ ਗਸ਼ਤ ਕਰ ਰਹੀ ਸੀ | ਫਗਵਾੜਾ-ਰੋਪੜ ਮੁੱਖ ਮਾਰਗ ਨੇੜੇ ਪਿੰਡ ਬਹੂਆ ਕੋਲ ਇਕ ਕਾਰ ਪੀ. ਬੀ 59 ਏ 2288 ਜੋ ਕਿ ਸੜਕ ਕਿਨਾਰੇ ਖਤਾਨਾਂ ਵਿਚ ਖਿੱਸਕੀ ਹੋਈ ਸੀ ਜਿਸਦਾ ਪਿੱਛੇ ਵਾਲਾ ਸ਼ੀਸ਼ਾ ਟੁੱਟਾ ਹੋਇਆ ਸੀ ਜਿਸਦੀ ਜਾਂਚ ਕਰਨ ‘ਤੇ ਉਕਤ ਗੱਡੀ ਦੀ ਡਿੱਗੀ ਵਿਚੋ ਇਕ ਥੈਲਾ ਪਲਾਸਟਿਕ ਰੰਗ ਚਿੱਟਾ ਜਿਸ ਵਿਚੋਂ 35 ਕਿਲੋ ਡੋਡੇ ਚੂਰਾ ਪੋਸਤ ਸੀ ਚਾਲਕ ਸਮੇਤ ਇਕ ਵਿਅਕਤੀ ਗੱਡੀ ਛੱਡ ਕੇ ਮੌਕੇ ਤੋਂ ਫਰਾਰ ਹੋ ਗਏ | ਉਨ੍ਹਾਂ ਹੋਰ ਦੱਸਿਆ ਕਿ ਭੱਜੇ ਵਿਅਕਤੀ ਨੂੰ ਪੁਲਿਸ ਪਾਰਟੀ ਨੇ ਪਿੱਛਾ ਕਰਕੇ ਕਾਬੂ ਕੀਤਾ | ਕਾਬੂ ਕੀਤੇ ਕਥਿਤ ਦੋਸ਼ੀ ਦੀ ਪਹਿਚਾਣ ਹਰਭਜਨ ਸਿੰਘ ਉਰਫ ਭਜੀ ਪੁੱਤਰ ਸਰਵਣ ਸਿੰਘ ਵਾਸੀ ਪਿੰਡ ਮੇਹਲੀ ਵਜੋਂ ਹੋਈ | ਇਥੇ ਇਹ ਵੀ ਜਿਕਰਯੋਗ ਹੈ ਕਿ ਕਾਬੂ ਕੀਤੇ ਵਿਅਕਤੀ ਦੀ ਹਵੇਲੀ ਵਿਚੋਂ ਇਕ ਕੁਇੰਟਲ 15 ਕਿਲੋ ਡੋਡੇ ਚੂਰਾ ਪੋਸਤ ਹੋਰ ਬਰਾਮਦ ਹੋਏ | ਜਿਸ ‘ਤੇ ਪਰਚਾ ਦਰਜ ਕੀਤਾ ਗਿਆ ਅਤੇ ਫਰਾਰ ਹੋਏ ਵਿਅਕਤੀ ਦੀ ਭਾਲ ਜਾਰੀ ਹੈ