ਕਿਥੇ ਹੋਈ ਔਰਤ ਹੈਰੋਇਨ ਸਮੇਤ ਗਿ੍ਫ਼ਤਾਰ ……

ਕਿਥੇ ਹੋਈ ਔਰਤ ਹੈਰੋਇਨ ਸਮੇਤ ਗਿ੍ਫ਼ਤਾਰ ……
ਸੁਭਾਨਪੁਰ ( ਸਵਰਨ ਸਿੰਘ ) ਸ੍ਭਾਨਪੁਰ ਪੁਲਿਸ ਵਲੋਂ ਮਾੜੇ ਅਨਸਰਾਂ ਵਿਰੁੱਧ ਚਲਾਈ ਮੁਹਿੰਮ ਲਗਾਤਾਰ ਸਫਲ ਹੋ ਰਹੀ ਹੈ | ਇਸੇ ਮੁਹਿੰਮ ਤਹਿਤ ਥਾਣਾ ਸੁਭਾਨਪੁਰ ਨੇ ਇਕ ਔਰਤ ਨੂੰ ਹੈਰੋਇਨ ਤੇ ਨਸ਼ੀਲੀਆਂ ਗੋਲੀਆਂ ਸਮੇਤ ਕਾਬੂ ਕਰ ਲਿਆ | ਥਾਣਾ ਸੁਭਾਨਪੁਰ ਦੇ ਐਸ.ਐਚ.ਓ. ਸ਼ਿਵਕੰਵਲ ਸਿੰਘ ਸਿੰਘ ਨੇ ਦੱਸਿਆ ਕਿ ਏ.ਐਸ.ਆਈ. ਤਰਸੇਮ ਸਿੰਘ ਪੁਲਿਸ ਪਾਰਟੀ ਸਮੇਤ ਪਿੰਡ ਹਮੀਰਾ ਤੋਂ ਲੱਖਣ ਖੋਲੇ੍ਹ ਸੜਕ ‘ਤੇ ਗਸ਼ਤ ਕਰ ਰਹੇ ਸਨ ਕਿ ਇਕ ਸ਼ੱਕੀ ਔਰਤ ਪੁਲਿਸ ਪਾਰਟੀ ਨੂੰ ਦੇਖ ਕਿ ਘਬਰਾ ਗਈ ਤੇ ਆਪਣੇ ਹੱਥ ਵਿਚੋਂ ਇਕ ਲਿਫ਼ਾਫ਼ਾ ਹੇਠਾਂ ਜ਼ਮੀਨ ‘ਤੇ ਸੁੱਟ ਦਿੱਤਾ | ਸ਼ੱਕ ਦੇ ਆਧਾਰ ‘ਤੇ ਪੁਲਿਸ ਮੁਖੀ ਜਦੋਂ ਉਕਤ ਔਰਤ ਕੋਲੋਂ ਪੁੱਛਗਿੱਛ ਕੀਤੀ ਤਾਂ ਉਸ ਔਰਤ ਨੇ ਆਪਣਾ ਨਾਂਅ ਰਾਣੀ ਪਤਨੀ ਗੱਜਣ ਸਿੰਘ ਵਾਸੀ ਡੋਗਰਾਂਵਾਲ ਹਾਲ ਵਾਸੀ ਡੇਰੇ ਲੱਖਣ ਖੋਲ੍ਹੇ ਦੱਸਿਆ ਥਾਣਾ ਮੁਖੀ ਨੇ ਦੱਸਿਆ ਕਿ ਉਕਤ ਔਰਤ ਵਲੋਂ ਰਾਣੀ ਲਿਫ਼ਾਫ਼ੇ ਦੀ ਜਾਂਚ ਦੌਰਾਨ ਵਿਚੋਂ 2 ਗ੍ਰਾਮ ਹੈਰੋਇਨ 640 ਨਸ਼ੀਲੀਆਂ ਗੋਲੀਆਂ ਤੇ 8500 ਰੁਪਏ ਭਾਰਤੀ ਕਰੰਸੀ ਦੇ ਬਰਾਮਦ ਹੋਏ | ਥਾਣਾ ਮੁਖੀ ਨੇ ਦੱਸਿਆ ਕਿ ਮੌਕੇ ਪੁੱਜੇ ਸਬ ਇੰਸਪੈਕਟਰ ਦਵਿੰਦਰ ਸਿੰਘ ਨੇ ਤੁਰੰਤ ਕਾਰਵਾਈ ਕਰਦਿਆਂ ਉਕਤ ਔਰਤ ਵਿਰੁੱਧ ਐਨ.ਡੀ.ਪੀ.ਸੀ. ਐਕਟ ਅਧੀਨ ਮੁਕੱਦਮਾ ਦਰਜ਼ ਕਰਕੇ, ਉਕਤ ਔਰਤ ਰਾਣੀ ਨੂੰ ਗਿ੍ਫ਼ਤਾਰ ਕੀਤਾ ਗਿਆ