ਚੰਡੀਗੜ੍ਹ ਮਾਰਕਾ 105 ਪੇਟੀਆਂ ਨਾਜਾਇਜ਼ ਸ਼ਰਾਬ ਫੜੀ ਗਈ …..

ਚੰਡੀਗੜ੍ਹ ਮਾਰਕਾ 105 ਪੇਟੀਆਂ ਨਾਜਾਇਜ਼ ਸ਼ਰਾਬ ਫੜੀ ਗਈ …..
ਰਾਹੋਂ ( ਅਜੈ ਸੋਨਕਾਰ ) ਰਾਹੋਂ ਪੁਲਿਸ ਨੇ ਪਿੰਡ ਉਸਮਾਨਪੁਰ ਤੋਂ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਚੰਡੀਗੜ੍ਹ ਮਾਰਕਾ ਸ਼ਰਾਬ ਦੀਆਂ ਨਾਜਾਇਜ਼ 105 ਪੇਟੀਆਂ ਬਰਾਮਦ ਕਰਨ ਅਤੇ ਇਕ ਕਥਿਤ ਦੋਸ਼ੀ ਨੂੰ ਫੜਨ ਵਿਚ ਸਫਲਤਾ ਹਾਸਿਲ ਕੀਤੀ ਹੈ | ਇਸ ਸਬੰਧੀ ਥਾਣਾ ਰਾਹੋਂ ਪੁਲਿਸ ਨੇ ਐਕਸਾਈਜ਼ ਐਕਟ 61-1-14 ਦੇ ਅਧੀਨ ਮੁਕੱਦਮਾ ਨੰਬਰ 63 ਦਰਜ ਕਰਕੇ ਕਾਰਵਾਈ ਆਰੰਭ ਦਿੱਤੀ ਹੈ | ਇਸ ਸਬੰਧੀ ਥਾਣਾ ਰਾਹੋਂ ਮੁਖੀ ਗੌਰਵ ਧੀਰ ਨੇ ਦੱਸਿਆ ਕਿ ਏ.ਐੱਸ.ਆਈ ਸੁਰਿੰਦਰ ਸਿੰਘ, ਏ.ਐੱਸ.ਆਈ. ਜੀਵਨ ਰਾਮ, ਏ.ਐੱਸ.ਆਈ. ਜਸਵਿੰਦਰ ਕੌਰ ਵਲੋਂ ਪੁਲਿਸ ਪਾਰਟੀ ਸਮੇਤ ਬੱਸ ਅੱਡਾ ਸੋਇਤਾ ਵਿਖੇ ਕੀਤੀ ਨਾਕਾਬੰਦੀ ਦੌਰਾਨ ਕਿਸੇ ਮੁਖ਼ਬਰ ਨੇ ਗੁਪਤ ਸੂਚਨਾ ਦਿੱਤੀ ਕਿ ਉਸਮਾਨਪੁਰ ਵਿਖੇ 4 ਤੋਂ 5 ਵਿਅਕਤੀ ਬਾਹਰਲੇ ਸੂਬਿਆਂ ਤੋਂ ਨਜਾਇਜ਼ ਸ਼ਰਾਬ ਲਿਆ ਕੇ ਵੇਚਦੇ ਹਨ | ਉਨ੍ਹਾਂ ਦੱਸਿਆ ਕਿ ਸੂਚਨਾ ਦੇ ਆਧਾਰ ‘ਤੇ ਜਦੋਂ ਇਨੋਵਾ ਗੱਡੀ ਪੀ.ਬੀ.32.ਜੀ-8622 ਅਤੇ ਇਕ ਟਾਟਾ 407 ਗੱਡੀ ਨੰਬਰ ਪੀ.ਬੀ.09.ਐਫ 5579 ਦੀ ਦੀ ਤਲਾਸ਼ੀ ਲੈਣ ਤੇ 105 ਪੇਟੀਆਂ ਚੰਡੀਗੜ੍ਹ ਮਾਰਕਾ ਨੈਨਾ ਅਤੇ ਟਿ੍ਪਲ ਸੈਵਨ ਸ਼ਰਾਬ ਬਰਾਮਦ ਕਰਕੇ ਕਥਿਤ ਦੋਸ਼ੀ ਅਮਰੀਕ ਸਿੰਘ ਪੁੱਤਰ ਤਾਰਾ ਸਿੰਘ ਨੂੰ ਗਿ੍ਫ਼ਤਾਰ ਕਰ ਲਿਆ ਹੈ |