ਇਸ ਇਤਿਹਾਸਕ ਚਰਚ ਚ ਲੱਗੀ ਅੱਗ ………..

ਇਸ ਇਤਿਹਾਸਕ ਚਰਚ ਚ ਲੱਗੀ ਅੱਗ ………..
ਫਰਾਂਸ ਵਿੱਚ ਪੈਰਿਸ ਦੀ ਇਤਿਹਾਸਕ ਨਾਤਰੇ ਡੇਮ ਕੈਥੇਡ੍ਰਲ ਚਰਚ ਵਿੱਚ ਭਿਆਨਕ ਅੱਗ ਲੱਗਣ ਕਰਕੇ ਕਾਫੀ ਤਬਾਹੀ ਮੱਚੀ ਹੈ। 12ਵੀਂ ਸ਼ਤਾਬਦੀ ਦੀ ਇਹ ਚਰਚ ਪੈਰਿਸ ਦੀਆਂ ਇਤਿਹਾਸਕ ਧ੍ਰੋਹਰਾਂ ਵਿੱਚੋਂ ਇੱਕ ਹੈ।ਸ਼ਾਮੀਂ ਲੱਗੀ ਅੱਗ ਕਈ ਘੰਟਿਆਂ ਤਕ ਭਾਂਬੜ ਮਚਾਉਂਦੀ ਰਹੀ। ਰਾਤ ਭਰ ਅੱਗ ਬੁਝਾਉਣ ਦੇ ਯਤਨ ਚੱਲਦੇ ਰਹੇ।ਅੱਗ ਲੱਗਣ ਕਰਕੇ ਚਰਚ ਦਾ ਸ਼ਿਖਰ ਸੜ ਕੇ ਸਵਾਹ ਹੋ ਗਿਆ ਪਰ ਰਾਹਤ ਦੀ ਗੱਲ ਇਹ ਰਹੀ ਕਿ ਚਰਚ ਦਾ ਮੁੱਖ ਸਟਰੱਕਚਰ ਸਹੀ ਸਲਾਮਤ ਹੈ।ਚਰਚ ਵਿੱਚ ਮੁਰੰਮਤ ਦਾ ਕੰਮ ਵੀ ਚੱਲ ਰਿਹਾ ਸੀ। ਸੰਭਾਵਨਾ ਹੈ ਕਿ ਇਸੇ ਕਰਕੇ ਅੱਗ ਲੱਗੀ।