ਪੰਜਾਬ ਚ ਨਸ਼ੇ ਨੇ ਲਈ ਇੱਕ ਹੋਰ ਨੌਜਵਾਨ ਦੀ ਜਾਨ

ਪੰਜਾਬ ਚ ਨਸ਼ੇ ਨੇ ਲਈ ਇੱਕ ਹੋਰ ਨੌਜਵਾਨ ਦੀ ਜਾਨ
ਤਲਵੰਡੀਸਾਬੋ ,ਲੋਕਬਾਣੀ – ਪੰਜਾਬ ਚ ਨਸ਼ੇ ਦਾ ਕਾਰੋਬਾਰ ਏਂ ਵੱਧ ਚੁਕਾ ਹੈ ਕਿ ਰੋਜਨਾ ਹਜਾਰਾਂ ਨੌਜਵਾਨ ਇਸ ਬੁਰੀ ਆਦਤ ਕਾਰਨ ਮਰ ਰਹੇ ਹਨ ਤਾਜਾ ਮਿਸਾਲ ਤਲਵੰਡੀ ਸਾਬੋ ਦੀ ਹੈ ਜਿਥੇ ਇਕ ਨੌਜਵਾਨ ਨਸ਼ੇ ਦੀ ਵੱਧ ਮਾਤਰਾ ਲੈਣ ਕਾਰਣ ਮੌਤ ਦੇ ਮੂੰਹ ਜਾ ਪਿਆ ਹੈ। ਮਾਪਿਆਂ ਦੇ ਇਕਲੌਤੇ ਪੁੱਤਰ ਗੁਰਵਿੰਦਰ ਸਿੰਘ (30) ਪੁੱਤਰ ਹਰਨੇਕ ਸਿੰਘ ਦੀ ਲਾਸ਼ ਅੱਜ ਨਗਰ ਦੇ ਪਾਰਕ ‘ਚੋਂ ਮਿਲੀ ਹੈ ਅਤੇ ਉਸ ਦੇ ਕੋਲ ਇਕ ਸਰਿੰਜ ਪਈ ਮਿਲੀ ਹੈ। ਮ੍ਰਿਤਕ ਦੇ ਮਾਪਿਆਂ ਨੇ ਇਲਜ਼ਾਮ ਲਾਇਆ ਹੈ ਕਿ ਨਗਰ ‘ਚ ਚਿੱਟਾ ਸ਼ਰੇਆਮ ਵਿਕ ਰਿਹਾ ਹੈ ਅਤੇ ਉਨ੍ਹਾਂ ਦਾ ਪੁੱਤਰ ਵੀ ਇਸ ਦੀ ਭੇਟ ਚੜ੍ਹ ਗਿਆ। ਮ੍ਰਿਤਕ ਆਪਣੇ ਪਿੱਛੇ ਮਾਪਿਆਂ ਅਤੇ ਪਤਨੀ ਤੋਂ ਇਲਾਵਾ ਦੋ ਲੜਕੀਆਂ ਛੱਡ ਗਿਆ ਹੈ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ