ਪਾਵਰਕਾਮ ਅਤੇ ਟਰਾਸਕੋ ਪੈਨਸ਼ਨਰਜ ਯੂਨੀਅਨ ਮੰਡਲ ਗੁਰਦਾਸਪੁਰ ਦੀ ਮੀਟਿੰਗ ਮੰਡਲ ਦਫਤਰ ਵਿਖੇ ਹੋਈ

ਪਾਵਰਕਾਮ ਅਤੇ ਟਰਾਸਕੋ ਪੈਨਸ਼ਨਰਜ ਯੂਨੀਅਨ ਮੰਡਲ ਗੁਰਦਾਸਪੁਰ ਦੀ ਮੀਟਿੰਗ ਮੰਡਲ ਦਫਤਰ ਵਿਖੇ ਹੋਈ
ਰਾਕੇਸ਼ ਜੀਵਨ ਚੱਕ,ਦੋਰਾਂਗਲਾ–ਪਾਵਰਕਾਮ ਅਤੇ ਟਰਾਸਕੋ ਪੈਨਸ਼ਨਰਜ ਯੂਨੀਅਨ ਮੰਡਲ ਗੁਰਦਾਸਪੁਰ ਦੀ ਮੀਟਿੰਗ ਮੰਡਲ ਦਫਤਰ ਵਿਖੇ ਪ੍ਰਧਾਨ ਸਾਥੀ ਨਿਰਮਲ ਸਿੰਘ ਬਸਰਾ ਦੀ ਪ੍ਰਧਾਨਗੀ ਹੇਠ ਹੋਈ । ਮੀਟਿੰਗ ਦੀ ਕਾਰਵਾਈ ਜਾਰੀ ਕਰਦਿਆ ਸਕੱਤਰ ਸਾਥੀ ਆਗਿਆਪਾਲ ਸਿੰਘ ਨੇ ਦਸਿਆ ਕਿ ਪੈਨਸ਼ਨਰਜ ਸਾਥੀਆਂ ਦੀਆਂ ਮੰਗਾਂ ਤੇ ਵਿਚਾਰ ਵਟਾਦਰਾ ਕੀਤਾ ਗਿਆ ਅਤੇ ਮੰਡਲ ਦਫਤਰ ਵਿਚ ਪੈਡਿਗ ਕੰਮਾਂ ਤੇ ਚਰਚਾ ਕੀਤੀ ਅਤੇ ਮੰਗ ਕੀਤੀ ਗਈ ਕਿ ਪੈਨਸ਼ਨਰਜ ਸਾਥੀਆਂ ਦੀਆਂ ਸਰਵਿਸ ਬੂਕਾਂ ਆਡਿਟ ਕਰਾ ਕੇ ਰਿਵਾਇਜ ਪੈਨਸ਼ਨ ਕੇਸ ਮੁੱਖ ਦਫਤਰ ਪਟਿਆਲੇ ਭੇਜੇ ਜਾਣ ਅਤੇ ਪੈਨਸ਼ਨਰਾਂ 2.59.ਦੇ ਗੁਣਾਕ ਦੇ ਮੁਤਾਬਕ ਸੋਧੀਆਂ ਜਾਣ ਅਤੇ ਪੇ ਬੈਂਡ ਦੇ ਏਰੀਅਰ ਦੀ ਅਦਾਇਗੀ ਕੀਤੀ ਜਾਵੇ । ਇਸ ਮੌਕੇ ਤੇ ਸਬੋਧਨ ਕਰਦਿਆ ਪੀ ਐੱਸ ਈ ਬੀ ਇਪਲਾਇਜ ਫੈਡਰੇਸ਼ਨ ਏਟਕ ਸਰਕਲ ਗੁਰਦਾਸਪੁਰ ਦੇ ਪ੍ਰਧਾਨ ਅਤੇ ਪੈਨਸ਼ਨਰਜ ਯੂਨੀਅਨ ਦੇ ਮੁੱਖ ਸਲਾਹਕਾਰ ਬਲਵਿੰਦਰ ਉਦੀਪੁਰ ਨੇ ਦਸਿਆ ਕਿ ਮੈਨੇਜਮੈਂਟ ਅਤੇ ਸਰਕਾਰਾਂ ਮੁਲਾਜ਼ਮ ਮਸਲਿਆ ਨੂੰ ਹਮੇਸ਼ਾ ਹੀ ਨਜ਼ਰਅੰਦਾਜ ਕਰਦਿਆ ਆ ਰਹੀਆਂ ਹਨ । ਇਸ ਦਾ ਟਾਕਰਾ ਕਰਨ ਲਈ ਮੁਲਾਜ਼ਮ ਅਤੇ ਪੈਨਸ਼ਨਰਜ ਨੂੰ ਇਕਜੁੱਟ ਹੋ ਕੇ ਸੰਘਰਸ਼ ਕਰਨਾ ਚਾਹਿਦਾ ਹੈ ਤਾ ਹੀ ਮੰਗਾਂ ਦੀ ਪ੍ਰਾਪਤੀ ਕੀਤੀ ਜਾ ਸਕਦੀ ਹੈ। ਉਹਨਾ ਗੁਰਦਾਸਪੁਰ ਡਵੀਜ਼ਨ ਦੇ ਪੈਨਸ਼ਨਰਜ ਸਾਥੀਆਂ ਨੁੰ ਵਿਸਵਾਸ਼ ਦਿਵਾਇਆ ਕਿ ਏਟਕ ਜਥੇਬੰਦੀ ਤੁਹਾਡੇ ਹਰ ਸੰਘਰਸ਼ ਵਿਚ ਸਾਮਲ ਰਹੇਗੀ,ਪੈਨਸ਼ਨਰਜ ਯੂਨੀਅਨ ਨੁੰ ਮਜਬੂਤ ਕੀਤਾ ਜਾਵੇਗਾ ।ਇਸ ਮੀਟਿੰਗ ਵਿਚ ਸਾਥੀ ਰੂਪ ਲਾਲ, ਕਸਮੀਰ ਸਿੰਘ ਭਾਗੋਕਾਵਾ ,ਮਿਲਖੀ ਰਾਮ, ਕਿਰਪਾਲ ਸਿੰਘ ਟਾਡਾ, ਗੁਰਮੀਤ ਸਿੰਘ ,ਪਰਮਜੀਤ ਸਿੰਘ, ਕੁਲਵਿੰਦਰ ਸਿੰਘ ,ਪਾਲ ਸਿੰਘ, ਅਮਰੀਕ ਸਿੰਘ ਤਿਬੜ , ਧਰਮ ਸਿੰਘ ਆਦਿ ਆਗੂ ਹਾਜ਼ਰ ਸਨ ।