ਅਚਾਨਕ ਲੱਗੀ ਅੱਗ ਲੱਖਾਂ ਦਾ ਨੁਕਸਾਨ …….

ਅਚਾਨਕ ਲੱਗੀ ਅੱਗ ਲੱਖਾਂ ਦਾ ਨੁਕਸਾਨ …….
( ਜੋਤਿ ਕੁਮਾਰੀ )
ਜੈਤੋ-ਬਠਿੰਡਾ ਰੋਡ ‘ਤੇ ਸਥਿਤ ਪਿੰਡ ਚੰਦਭਾਨ ਦੇ ਲਾਗੇ ਮਹਾਂ ਲਕਸ਼ਮੀ ਰਾਈਸ ਐਂਡ ਜਰਨਲ ਮਿੱਲ ਵਿਚ ਅਚਾਨਕ ਅੱਗ ਲੱਗਣ ਨਾਲ ਕਰੀਬ 17 ਲੱਖ ਰੁਪਏ ਦਾ ਬਾਰਦਾਨਾ, ਬਿਲਡਿੰਗ ਆਦਿ ਸਮਾਨ ਦਾ ਨੁਕਸਾਨ ਹੋਣ ਦਾ ਪਤਾ ਲੱਗਿਆ ਹੈ। ਸ਼ੈਲਰ ਦੇ ਮਾਲਕ ਨੇ ਦੱਸਿਆ ਹੈ ਕਿ ਸ਼ੈਲਰ ਦੇ ਅੰਦਰ ਰਿਪੇਅਰ ਦਾ ਕੰਮ ਚਲ ਰਿਹਾ ਸੀ ਕਿ ਵੈਲਡਿੰਗ ‘ਚ ਅਚਾਨਕ ਨਿਕਲੇ ਚੰਗਿਆੜਿਆਂ ਨਾਲ ਬਾਰਦਾਨੇ ਨੂੰ ਅੱਗ ਪੈ ਗਈ ਅਤੇ ਵੇਖਦਿਆ-ਵੇਖਦਿਆ ਅੱਗ ਨੇ ਗੰਭੀਰ ਰੂਪ ਅਖ਼ਤਿਆਰ ਕਰ ਲਿਆ। ਕੋਟਕਪੂਰਾ ਦੀਆਂ ਦੋ ਫਾਇਰ ਬ੍ਰਿਗੇਡ ਦੀ ਗੱਡੀਆਂ ਅਤੇ ਬਠਿੰਡਾ ਤੋਂ ਇਕ ਫਾਇਰ ਬ੍ਰਿਗੇਡ ਦੀ ਗੱਡੀ ਸ਼ੈਲਰ ਵਿਚ ਪਹੁੰਚੀ ਅਤੇ ਘੰਟਿਆਂ ਦੀ ਕੋਸ਼ਿਸ਼ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ ਗਿਆ