ਇਸ ਪਿੰਡ ਦੇ ਪਸ਼ੂ ਪਾਲਕ ਕਿਊ ਹਨ ਡਰੇ ਹੋਏ ……….

ਇਸ ਪਿੰਡ ਦੇ ਪਸ਼ੂ ਪਾਲਕ ਕਿਊ ਹਨ ਡਰੇ ਹੋਏ ………..
ਨਵਾਂਸ਼ਹਿਰ ( ਸੁਖਵਿੰਦਰ ) ਨਵਾਂਸ਼ਹਿਰ ਦੇ ਪਿੰਡ ਚਣਕੋਈ ਵਿਖੇ ਇਕ ਕਿਸਾਨ ਪਰਿਵਾਰ ਦੇ ਚਾਰ ਦਿਨਾਂ ਵਿਚ ਭੇਦਭਰੀ ਬਿਮਾਰੀ ਨਾਲ ਪੰਜ ਪਸ਼ੂ ਮਰ ਗਏ | ਇਸ ਬਾਰੇ ਕਿਸਾਨ ਸਤਿੰਦਰ ਸਿੰਘ ਗੋਲਡੀ ਪੁੱਤਰ ਆਸਾ ਸਿੰਘ ਪਿੰਡ ਚਣਕੋਈ ਨੇ ਦੱਸਿਆ ਕਿ ਇਸ ਭੇਦਭਰੀ ਬਿਮਾਰੀ ਨਾਲ ਪਹਿਲਾਂ ਦਿਨ ਸ਼ੁੱਕਰਵਾਰ ਨੂੰ ਪਹਿਲਾਂ ਇਕ ਸੱਜਰ ਸੂਈ ਝੋਟੀ ਮਰ ਗਈ | ਐਤਵਾਰ ਨੂੰ ਦੁੱਧ ਦਿੰਦੀ ਇਕ ਗਾਂ ਮਰ ਗਈ ਤੇ ਅੱਜ ਮੰਗਲਵਾਰ ਨੂੰ ਇਕ ਸੂਣ ਵਾਲੀ ਮੱਝ ਇਕ ਹੋਰ ਗਾਂ ਤੇ ਕੱਟਾ ਮਰ ਗਏ | ਉਨ੍ਹਾਂ ਦੱਸਿਆ ਕਿ ਇਹ ਬਿਮਾਰੀ ਪਤਾ ਨਹੀ ਕਿਹੋ ਜਿਹੀ ਹੈ | ਪਸ਼ੂ ਖੜਾ ਖੜਾ ਹੀ ਡਿੱਗਦੇ ਸਾਰ ਹੀ ਮਰ ਜਾਂਦਾ ਹੈ | ਉਕਤ ਕਿਸਾਨ ਦੇ ਪਰਿਵਾਰ ਨੇ ਸਰਕਾਰ ਨੂੰ ਮੁਆਵਜ਼ਾ ਦੇਣ ਦੀ ਮੰਗ ਕੀਤੀ ਹੈ | ਇਸ ਪਿੰਡ ਦੇ ਪਸ਼ੂ ਪਾਲਕਾਂ ਵਿਚ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ