Featuredਪੰਜਾਬਮੁੱਖ ਖਬਰਾਂ ਪੰਜਾਬ ਦੇ ਇਸ ਪੋਲਿੰਗ ਬੂਥ ‘ਤੇ ਛਿੜਿਆ ਵਿਵਾਦ, ਮਹਿਲਾ BLO ਦੀ ਵਿਗੜੀ ਸਿਹਤ June 1, 2024 Lok Bani ਪੰਜਾਬ ਦੇ ਇਸ ਪੋਲਿੰਗ ਬੂਥ ‘ਤੇ ਛਿੜਿਆ ਵਿਵਾਦ, ਮਹਿਲਾ BLO ਦੀ ਵਿਗੜੀ ਸਿਹਤ ਫਰੀਦਕੋਟ, ਲੋਕ ਬਾਣੀ ਨਿਊਜ਼: ਕੜਾਕੇ ਦੀ ਗਰਮੀ ਦੇ ਵਿਚਕਾਰ ਪੰਜਾਬ ਵਿੱਚ ਲੋਕ ਸਭਾ ਚੋਣਾਂ ਦੇ 7ਵੇਂ ਪੜਾਅ ਲਈ ਵੋਟਾਂ ਸਵੇਰੇ 7 ਵਜੇ ਤੋਂ ਸ਼ੁਰੂ ਹੋ ਰਹੀਆਂ ਹਨ, ਜੋ ਸ਼ਾਮ 6 ਵਜੇ ਖਤਮ ਹੋ ਜਾਣਗੀਆਂ। ਇਸੇ ਦੌਰਾਨ ਫ਼ਰੀਕੋਟ ਦੇ ਬੂਥ ਨੰਬਰ 105 ਵਿੱਚ ਇੱਕ ਔਰਤ ਦੀ ਤਬੀਅਤ ਅਚਾਨਕ ਵਿਗੜਨ ਦੀ ਖ਼ਬਰ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ‘ਆਪ’ ਸਮਰਥਕ ਅਤੇ ਮਹਿਲਾ ਬੀਐੱਲਓ ਵਿਚਕਾਰ ਮਾਮੂਲੀ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ, ਜਿਸ ਤੋਂ ਬਾਅਦ ਔਰਤ ਦੀ ਸਿਹਤ ਵਿਗੜ ਗਈ। ਉੱਥੇ ਮੌਜੂਦ ਲੋਕਾਂ ਨੇ ਉਸ ਨੂੰ ਤੁਰੰਤ ਹਸਪਤਾਲ ‘ਚ ਭਰਤੀ ਕਰਵਾਇਆ। ਹੁਣ ਔਰਤ ਦੀ ਹਾਲਤ ਵਿੱਚ ਸੁਧਾਰ ਹੋ ਰਿਹਾ ਹੈ। ਜਾਣਕਾਰੀ ਦਿੰਦਿਆਂ ਮੇਜਰ ਵਰੁਣ ਕੁਮਾਰ ਨੇ ਦੱਸਿਆ ਕਿ ਵੋਟਰ ਸਲਿੱਪ ਦੀ ਰਫ਼ਤਾਰ ਮੱਠੀ ਹੋਣ ਕਾਰਨ ਵੋਟ ਪਾਉਣ ਆਏ ਕੁਝ ਲੋਕਾਂ ਵਿਚ ਮਾਮੂਲੀ ਝਗੜਾ ਹੋ ਗਿਆ | ਹਾਲਾਂਕਿ ਉਨ੍ਹਾਂ ਦੀ ਟੀਮ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਮਾਮਲਾ ਸੁਲਝਾ ਲਿਆ। ਹੁਣ ਮਾਮਲਾ ਪੂਰੀ ਤਰ੍ਹਾਂ ਕਾਬੂ ਹੇਠ ਹੈ। Share the News
