ਰਾਜਾ ਵੜਿੰਗ ਦੀ ਰੈਲੀ ਵਿੱਚ ਕੰਮ ਕਰਦੇ ਇੱਕ ਵਰਕਰ ਨਾਲ ਦਰਦਨਾਕ ਹਾਦਸਾ

ਰਾਜਾ ਵੜਿੰਗ ਦੀ ਰੈਲੀ ਵਿੱਚ ਕੰਮ ਕਰਦੇ ਇੱਕ ਵਰਕਰ ਨਾਲ ਦਰਦਨਾਕ ਹਾਦਸਾ

ਲੁਧਿਆਣਾ, ਲੋਕ ਬਾਣੀ ਨਿਊਜ਼ (ਸੁਖਚੈਨ ਮਹਿਰਾ): ਪੰਜਾਬ ਦੇ ਲੁਧਿਆਣਾ ਵਿੱਚ ਕਾਂਗਰਸੀ ਉਮੀਦਵਾਰ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੀ ਚੋਣ ਰੈਲੀ ਦੀ ਤਿਆਰੀ ਕਰ ਰਿਹਾ ਇੱਕ ਨੌਜਵਾਨ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਅੱਜ ਸੁਭਾਸ਼ ਨਗਰ ਇਲਾਕੇ ਵਿੱਚ ਰੈਲੀ ਕੀਤੀ ਜਾਣੀ ਸੀ ਪਰ ਇਸ ਦੌਰਾਨ ਇੱਕ ਨੌਜਵਾਨ ਹਾਈ ਵੋਲਟੇਜ ਤਾਰਾਂ ਦੀ ਲਪੇਟ ਵਿੱਚ ਆ ਗਿਆ। ਕਰੰਟ ਲੱਗਣ ਕਾਰਨ ਨੌਜਵਾਨ ਦਾ ਪੂਰਾ ਸਰੀਰ ਬੁਰੀ ਤਰ੍ਹਾਂ ਨਾਲ ਝੁਲਸ ਗਿਆ।

ਇਸ ਦੌਰਾਨ ਸਾਬਕਾ ਕੌਂਸਲਰ ਦੇ ਪਤੀ ਮੋਨੂੰ ਖਿੰਡਾ ਦੇ ਵਰਕਰਾਂ ਨੇ ਤਾਰਾਂ ਵਿੱਚ ਝੰਡੇ ਪਾ ਦਿੱਤੇ। ਅਚਾਨਕ ਉਸ ਦਾ ਹੱਥ ਤਾਰਾਂ ਨੂੰ ਛੂਹ ਗਿਆ, ਜਿਸ ਕਾਰਨ ਜ਼ੋਰਦਾਰ ਧਮਾਕਾ ਹੋ ਗਿਆ। ਆਸ-ਪਾਸ ਮੌਜੂਦ ਲੋਕਾਂ ਨੇ ਉਸ ਨੂੰ ਹਸਪਤਾਲ ਦਾਖਲ ਕਰਵਾਇਆ। ਪਰ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਸੀਐਮਸੀ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ।