ਕਾਲੇ ਬਿੱਲੇ ਲਾ ਕੇ ਅਣਏਡਿਡ ਸਟਾਫ ਫਰੰਟ ਪੰਜਾਬ (ਏਡਿਡ ਸਕੂਲ) ਜਿਲਾ ਗੁਰਦਾਸਪੁਰ ਨੇ ਮਨਾਈ ਕਾਲੀ ਦੀਵਾਲੀ

ਕਾਲੇ ਬਿੱਲੇ ਲਾ ਕੇ ਅਣਏਡਿਡ ਸਟਾਫ ਫਰੰਟ ਪੰਜਾਬ (ਏਡਿਡ ਸਕੂਲ) ਜਿਲਾ ਗੁਰਦਾਸਪੁਰ ਨੇ ਮਨਾਈ ਕਾਲੀ ਦੀਵਾਲੀ

ਗੁਰਦਾਸਪੁਰ- ਨਵਨੀਤ ਕੁਮਾਰ –
ਅੱਜ ਅਣਏਡਿਡ ਸਟਾਫ ਫਰੰਟ ਪੰਜਾਬ (ਏਡਿਡ ਸਕੂਲ) ਜਿਲਾ ਗੁਰਦਾਸਪੁਰ ਦੀ ਅਹਿਮ ਮੀਟਿੰਗ ਗੁਰੂ ਨਾਨਕ ਪਾਰਕ ਜੇਲ ਰੋਡ ਗੁਰਦਾਸਪੁਰ ਵਿਖੇ ਹੋਈ ਜਿਸ ਵਿੱਚ ਪੰਜਾਬ ਸਰਕਾਰ ਵੱਲੋਂ ਏਡਿਡ ਸਕੂਲਾਂ ਵਿੱਚ ਕੰਮ ਕਰ ਰਹੇ ਅਣਏਡਿਡ ਸਟਾਫ ਨਾਲ ਮਤਰੇਈ ਮਾ ਵਾਲਾ ਸਲੂਕ ਕੀਤਾ ਜਾ ਰਿਹਾ ਹੈ । ਇਸ ਮੋਕੇ ਜਿਲਾ ਪ੍ਰਧਾਨ ਨਵਨੀਤ ਕੁਮਾਰ ਤੇ ਜਰਨਲ ਸੱਕਤਰ ਸਖਦੇਵ ਸਿੰਘ ਨੇ ਕਿਹਾ ਕਿ ਪਿਛਲੀਆਂ ਦੋ ਪੈਨਲ ਮੀਟਿੰਗਾਂ ਜੋ ਸਿੱਖਿਆ ਮੰਤਰੀ ਪੰਜਾਬ ਸਰਦਾਰ ਹਰਜੋਤ ਸਿੰਘ ਬੈਂਸ ਨਾਲ ਹੋਈਆਂ ਉੱਨਾਂ ਦੋਨੋ ਮੀਟਿੰਗਾਂ ਦਾ ਵੀ ਕੋਈ ਸਿੱਟਾ ਨਹੀਂ ਨਿਕਲਿਆ । ਸਰਕਾਰ ਡੰਗ ਟਪਾਊ ਨੀਤੀ ਅਪਣਾ ਰਹੀ ਹੈ। ਜਿਸ ਕਾਰਨ ਅੱਜ ਸਟੇਟ ਬਾਡੀ ਦੇ ਦਿਸ਼ਾ ਨਿਰਦੇਸ਼ਾ ਤੇ ਹਰ ਜਿਲੇ ਵਿੱਚ ਕਾਲੇ ਬਿੱਲੇ ਲਾ ਕੇ ਰੋਸ਼ ਜਤਾਇਆ ਗਿਆ । ਉੱਨਾਂ ਕਿਹਾ ਕਿ ਜੇਕਰ ਸਰਕਾਰ ਨੇ ਏਡਿਡ ਸਕੂਲਾਂ ਵਿੱਚ ਕੰਮ ਕਰ ਰਹੇ ਅਣਏਡਿਡ ਸਟਾਫ ਦੀਆਂ ਮੰਗਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਅਰਥੀ ਫੂਕ ਮੁਜ਼ਾਹਰੇ ਕੀਤੇ ਜਾਣਗੇ । ਇਸ ਮੋਕੇ ਯੂਨੀਅਨ ਵੱਲੋਂ ਸ੍ਰੀ ਵਿਕਰਮ ਸ਼ਰਮਾ ਜੀ ਨੂੰ ਖਜਾਨਚੀ , ਸੁਖਦੇਵ ਸਿੰਘ ਨੂੰ ਜਰਨਲ ਸਕੱਤਰ , ਯੋਗੇਸ਼ ਮਹਾਜਨ ਨੂੰ ਪ੍ਰੈਸ ਸੱਕਤਰ ਨਿਯੁਕਤ ਕੀਤਾ ਗਿਆ । ਇਸ ਮੋਕੇ ਸ਼੍ਰੀ ਕੇਸ਼ਵ ਸ਼ਰਮਾ , ਸੁਨੀਲ ਕੁਮਾਰ , ਮੈਡਮ ਪ੍ਰਭਜੋਤ ਕੋਰ , ਮੈਡਮ ਸ਼ਿਖਾ ਲੂਣਾ , ਬਲਵਿੰਦਰ ਕੁਮਾਰ , ਵਿਕਰਮ ਸ਼ਰਮਾ , ਜਰਨਲ ਸਕੱਤਰ ਸੁਖਦੇਵ ਸਿੰਘ ਆਦਿ ਹਾਜਿਰ ਸਨ ।