ਦਰਦਨਾਕ ਹਾਦਸੇ ਕਾਰਨ ਦੋ ਘਰਾਂ ਦੇ ਚਿਰਾਗ ਬੂਝੇ ,ਤਿੰਨ ਹੋਏ ਗੰਭੀਰ ਜਖਮੀ

ਦਰਦਨਾਕ ਹਾਦਸੇ ਕਾਰਨ ਦੋ ਘਰਾਂ ਦੇ ਚਿਰਾਗ ਬੂਝੇ ,ਤਿੰਨ ਹੋਏ ਗੰਭੀਰ ਜਖਮੀ
ਦੋਰਾਂਗਲਾ,ਰਾਕੇਸ਼ ਜੀਵਨ ਚੱਕ—ਪੁਲਿਸ ਥਾਣਾ ਦੋਰਾਂਗਲਾ ਅਧੀਂਨ ਆਉਂਦੇ ਪਿੰਡ ਤਲਵੰਡੀ ਨਜਦੀਕ ਦੋਰਾਂਗਲਾ ਰੋਡ ਤੇ ਰਾਤ 12.30 ਵਜੇ ਦੇ ਕਰੀਬ ਇੱਕ ਦਰਦਨਾਕ ਹਾਦਸਾ ਹੋ ਗਿਆ । ਜਿਸ ਦੌਰਾਨ ਨੌਜਵਾਨ ਰਮਨਦੀਪ ਸਿੰਘ ਪੁੱਤਰ ਅਨੂਪ ਸਿੰਘ ਪਿੰਡ ਮਲੂਕ ਅਤੇ ਹਰਪ੍ਰੀਤ ਸਿੰਘ ਪੁੱਤਰ ਸਰਵਨ ਸਿੰਘ ਪਿੰਡ ਤਾਜਪੁਰ ਦੀ ਮੌਕੇ ਤੇ ਹੀ ਮੌਤ ਗਈ ਤੇ ਤਿੰਨ ਨੌਜਵਾਨਾਂ ਨੂੰ ਜਖਮੀ ਹਾਲਤ ਵਿੱਚ ਗੁਰਦਾਸਪੁਰ ਹਸਪਤਾਲ ਵਿੱਖੇ ਦਾਖਲ ਕਰਵਾਇਆ ਗਿਆ ਹੈ । ਭਰੋਸੇਯੋਗ ਸੂਤਰਾਂ ਮੁਤਾਬਕ ਰਾਤ ਸਮੇਂ ਪੰਜ ਨੌਜਵਾਨ ਆਪਣੀ ਗੱਡੀ ਨੰ ਪੀਬੀ035 ਵਾਈ 9350 ਤੇ ਸਵਾਰ ਹੋ ਕੇ ਗੁਰਦਾਸਪੁਰ ਤੋਂ ਆਪਣੇ ਪਿੰਡ ਨੂੰ ਆ ਰਹੇ ਸੀ ,ਜਦੋਂ ਉਹਨਾਂ ਦੀ ਗੱਡੀ ਤਲਵੰਡੀ ਨਜਦੀਕ ਪਹੁੰਚੀ ਤਾਂ ਉਹਨਾਂ ਦਾ ਗੱਡੀ ਤੋਂ ਸੰਤੁਲਤ ਖੋ ਗਿਆ ਤੇ ਗੱਡੀ ਹਾਦਸਾ ਗ੍ਰਸਤ ਹੋ ਗਈ । ਜਿਹਨਾਂ ਨੂੰ ਰਾਤ ਸਮੇਂ ਬੀ ਐੱਸ ਐੱਫ ਦੇ ਨੌਜਵਾਨਾਂ ਨੇ ਵੇਖ ਲਿਆ ਤਾਂ ਉਹਨਾ ਤੁਰੰਤ ਇਸ ਹਾਦਸੇ ਦੀ ਜਾਣਕਾਰੀ ਪੁਲਿਸ ਥਾਣਾ ਦੋਰਾਂਗਲਾ ਨੂੰ ਦਿੱਤੀ ਅਤੇੇ ਦੋਰਾਂਗਲਾ ਪੁਲਿਸ ਦੇ ਸਹਿਯੋਗ ਨਾਲ ਜਖਮੀਆਂ ਨੂੰ ਗੁਰਦਾਸਪੁਰ ਹਸਪਤਾਲ ਦਾਖਲ ਕਰਵਾਇਆ , ਜਿੱਥੇ ਉਹਨਾਂ ਦੀ ਹਾਲਤ ਸਥਿਰ ਹੈ । ਦੱਸਣਯੋਗ ਹੈ ਕਿ ਰਮਨਦੀਪ ਸਿੰਘ ਨੂੰ ਫੌਜ ਵਿੱਚੋਂ ਨੌਕਰੀ ਦੀ ਚਿੱਠੀ ਆਈ ਹੋਈ ਸੀ ਅਤੇ ਉਹ ਆਪਣੇ ਮਾਂ ਪਿੳ ਦਾ ਇੱਕ ਲੋਤਾ ਮੁੰਡਾ ਸੀ ,ਇਸੇ ਤਰ੍ਹਾਂ ਹੀ ਹਰਪ੍ਰੀਤ ਸਿੰਘ ਵੀ ਆਪਣੇ ਮਾਂ ਪਿੳ ਦਾ ਲੋਤਾ ਮੁੰਡਾ ਸੀ ਅਤੇ ਉਹ ਵੀ ਬਾਹਰੇ ਦੇਸ ਜਾਣ ਦੀ ਤਿਆਰੀ ਵਿੱਚ ਸੀ । ਇਸ ਦਰਦਨਾਕ ਹਾਦਸੇ ਕਾਰਨ ਹੋਈਆਂ ਮੌਤਾਂ ਕਾਰਨ ਪੂਰੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਪਾਈ ਜਾ ਰਹੀ ਹੈ । ਐੱਸ ਐੱਚ ੳ ਜਬਰਜੀਤ ਸਿੰਘ ਵੱਲੋਂ ਮੌਕੇ ਤੇ ਪਹੁੰਚ ਕੇ ਲਾਸਾਂ ਨੂੰ ਆਪਣੇ ਕਬਜੇ ਵਿੱਚ ਲੈ ਕੇ ਸਿਵਲ ਹਸਪਤਾਲ ਗੁਰਦਾਸਪੁਰ ਵਿੱਖੇ ਪੋਸਟਮਾਰਟਮ ਲਈ ਭੇਜ ਕੇ ਅਗਲੀ ਕਾਰਵਾਈ ਸੁਰੂ ਕਰ ਦਿੱਤੀ ਹੈ ।