ਮੋਗਾ ਨੇੜੇ ਵਾਪਰੇ ਭਿਆਨਕ ਬੱਸ ਹਾਦਸੇ ਵਿਚ 3 ਦੀ ਮੌਤ, 37 ਜ਼ਖ਼ਮੀ

ਮੋਗਾ/ਪ੍ਰੇਮ ਸ਼ਰਮਾ 

ਅੱਜ ਸਵੇਰੇ ਮੋਗਾ ਨੇੜੇ ਪਿੰਡ ਲੁਹਾਰਾ ਕੋਲ ਵਾਪਰੇ ਭਿਆਨਕ ਹਾਦਸੇ ਵਿਚ 3 ਦੀ ਮੌਤ ਹੋ ਗਈ ਜਦਕਿ 37 ਦੇ ਕਰੀਬ ਜ਼ਖ਼ਮੀ ਹਾਲਤ ਵਿਚ ਜ਼ੇਰੇ ਇਲਾਜ ਹਨ । ਜਾਣਕਾਰੀ ਮੁਤਾਬਿਕ ਸਾਰੇ ਨਵਜੋਤ ਸਿੰਘ ਸਿੱਧੂ ਦੀ ਤਾਜਪੋਸ਼ੀ ਵਿਚ ਸ਼ਾਮਿਲ ਹੋਣ ਲਈ ਜਾ ਰਹੇ ਸਨ । ਮਿੰਨੀ ਬੱਸ ਦੇ ਡਰਾਈਵਰ ਗੁਰਦੇਵ ਸਿੰਘ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਅਤੇ ਦੋ ਜਾਣਿਆ ਨੇ ਸਿਵਲ ਹਸਪਤਾਲ ਮੋਗਾ ਵਿਖੇ ਦਮ ਤੋੜ ਦਿੱਤਾ । ਮਿੰਨੀ ਬੱਸ ਵਿਚ ਕੁੱਲ 26 ਦੇ ਕਰੀਬ ਲੋਕ ਸਵਾਰ ਸਨ ਅਤੇ ਬਾਕੀ ਲੋਕ ਪੰਜਾਬ ਰੋਡਵੇਜ਼ ਦੀ ਬੱਸ ਵਿਚ ਸਵਾਰ ਜ਼ਖ਼ਮੀ ਹੋ ਗਏ ।