ਪੰਜਾਬ ਚ ਬਰਸਾਤ ਨੇ ਲਈ ਇਕੋ ਪਰਿਵਾਰ ਦੇ 4 ਜੀਆ ਦੀ ਜਾਨ

ਪੰਜਾਬ ਚ ਬਰਸਾਤ ਨੇ ਲਈ ਇਕੋ ਪਰਿਵਾਰ ਦੇ 4 ਜੀਆ ਦੀ ਜਾਨ
ਪਟਿਆਲਾ ( ਜਗਦੀਸ਼ ) ਪੰਜਾਬ ਦੇ ਜਿੱਲ੍ਹਾ ਪਟਿਆਲਾ ਤੋਂ ਖ਼ਬਰ ਆ ਰਹੀ ਹੈ ਜਿਥੇ ਭਾਰੀ ਮੀਹ ਪੈਣ ਨਾਲ 4 ਦੀ ਮੌਤ ਹੋ ਗਈ ਹਲਕਾ ਸ਼ੁਤਰਾਣਾ ‘ਚ ਪਿੰਡ ਮਤੋਲੀ ਵਿਖੇ ਬੀਤੀ ਰਾਤ ਹੋਈ ਭਾਰੀ ਬਰਸਾਤ ਨਾਲ ਮਕਾਨ ਦੀ ਛੱਤ ਡਿੱਗਣ ਕਾਰਨ ਇਕ ਪਰਿਵਾਰ ਦੇ ਚਾਰ ਜੀਆਂ ਦੀ ਮੌਤ ਹੋ ਗਈ। ਜਾਣਕਾਰੀ ਮੁਤਾਬਕ ਕਸਬਾ ਸ਼ੁਤਰਾਣਾ ਦੇ ਨਾਲ ਲੱਗਦੇ ਪਿੰਡ ਮਤੋਲੀ ਵਿਖੇ ਪਰਿਵਾਰ ਦਾ ਮੁਖੀ ਮੁਖ਼ਤਿਆਰ ਸਿੰਘ (40) ਉਸ ਦੇ ਲੜਕੇ ਵੰਸ਼ਦੀਪ ਸਿੰਘ (14) ਤੇ ਲੜਕੀਆਂ ਸਿਮਰਨਜੀਤ ਕੌਰ (13) ਕਮਲਦੀਪ ਕੌਰ (10) ਦੀ ਛੱਤ ਦੇ ਮਲਬੇ ਹੇਠ ਦੱਬਣ ਕਰਕੇ ਮੌਤ ਹੋ ਗਈ। ਜਦਕਿ ਉਸ ਦੀ ਪਤਨੀ ਨੂੰ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ ਤੇ ਇਸ ਘਟਨਾ ਕਾਰਨ ਪੂਰੇ ਇਲਾਕੇ ਚ ਸ਼ੋਕ ਦੀ ਲਹਿਰ ਹੈ