ਚੋਣਾਂ ਚ ਉਤਸ਼ਾਹ ਸੀ ਘੱਟ ਰਿਜਲਟ ਦਾ ਇੰਤਜਾਰ ਜਿਆਦਾ ……

ਚੋਣਾਂ ਚ ਉਤਸ਼ਾਹ ਸੀ ਘੱਟ ਰਿਜਲਟ ਦਾ ਇੰਤਜਾਰ ਜਿਆਦਾ ……
ਚੋਣਾਂ ਦੌਰਾਨ ਵੋਟਰਾਂ ਚ ਉਤਸ਼ਾਹ ਦੀ ਸੀ ਘਾਟ ਪਰ ਹੁਣ 23 ਮਈ ਦਾ ਇੰਤਜਾਰ …
ਜਲੰਧਰ ( ਹਰਸ਼ ਕੁਮਾਰ ) ਜਲੰਧਰ ਵਿਚ ਵੋਟਰਾਂ ਦਾ ਹੁੰਗਾਰਾ ਅੱਛਾ ਰਿਹਾ ਹੈ ਪਰ ਉਤਸ਼ਾਹ ਕੋਈ ਖ਼ਾਸ ਨਹੀਂ ਵੇਖਣ ਨੂੰ ਮਿਲਿਆ | ਲੋਕ ਸਭਾ ਹਲਕਾ ਜਲੰਧਰ ਤੋਂ ਸਾਰੇ ਉਮੀਦਵਾਰ ਦੀ ਕਿਸਮਤ ਬਿਜਲਈ ਮਸ਼ੀਨਾਂ ਵਿਚ ਬੰਦ ਹੋ ਗਈ ਹੈ | ਜਦੋਂ ਵੋਟਾਂ ਵਾਲੇ ਦਿਨ ਲੋਕਬਾਣੀ , ਦੀ ਟੀਮ ਵਲੋਂ ਜ਼ਿਲ੍ਹੇ ਵਿਚ ਪੈ ਰਹੀਆਂ ਵੋਟਾਂ ਦੇ ਹਾਲਾਤ ਜਾਣਨ ਲਈ ਜਾ ਕੇ ਵੇਖਿਆ ਤਾਂ ਬਹੁਤੇ ਉਮੀਦਵਾਰਾਂ ਦੇ ਬੂਥ ਹੀ ਨਹੀਂ ਲਗੇ , ਕਈਆਂ ਦੇ ਬੂਥਾਂ ‘ਤੇ ਬੇਰੌਣਕੀ ਸੀ ਤੇ ਕੁਝ ਕੁ ਉਮੀਦਵਾਰਾਂ ਦੇ ਬੂਥਾਂ ਉੱਤੇ ਪੂਰੀ ਰੌਣਕ ਸੀ | ਕਾਂਗਰਸ ਪਾਰਟੀ ਦੇ ਚੋਧਰੀ ਸ਼੍ਰੋਮਣੀ ਅਕਾਲੀ ਦਲ ਭਾਜਪਾ ਦੇ ਅਟਵਾਲ , ਬੀ.ਐੱਸ.ਪੀ ਦੇ ਬਲਵਿੰਦਰ ਦੇ ਬਹੁਤੇ ਬੂਥਾਂ ਉੱਤੇ ਚੰਗੀਆਂ ਰੌਣਕਾਂ ਸਨ | ਉਨ੍ਹਾਂ ਵਿਚੋਂ ਕਿਸੇ ਉੱਤੇ ਰੌਣਕ ਸੀ, ਕਿਸੇ ਉੱਤੇ ਦਰਮਿਆਨੀ ਰੌਣਕ ਪਰ ਬਹੁਤੇ ਬੂਥ ਬੇ-ਰੌਣਕੇ ਸਨ | ਇੱਥੋਂ ਦੇ ਲੰਬਾ ਪਿੰਡ ਦੇ ਬੂਥ ਦੀਆਂ ਮਸ਼ੀਨਾਂ ਤਕਨੀਕੀ ਕਾਰਨਾਂ ਕਰਕੇ ਅੱਧੇ-ਅੱਧੇ ਘੰਟੇ ਲਈ ਬੰਦ ਰਹੀਆਂ | ਜਿਨ੍ਹਾਂ ਨੂੰ ਚੋਣ ਅਮਲੇ ਦੇ ਕਰਮਚਾਰੀਆਂ ਵਲੋਂ ਜੱਦੋਂ ਜਹਿਦ ਕਰਕੇ ਚਾਲੂ ਕਰ ਦਿੱਤਾ ਗਿਆ ਤੇ ਮਤਦਾਨ ਮੁੜ ਨਿਰਵਿਘਨ ਚਾਲੂ ਕਰ ਦਿੱਤਾ ਗਿਆ | ਕੁਲ ਮਿਲਾ ਕੇ ਚੋਣਾਂ ਦਾ ਕੰਮ ਜ਼ਿਲ੍ਹੇ ‘ਚ ਅਮਨ-ਅਮਾਨ ਨਾਲ ਸਮਾਪਤ ਹੋ ਗਿਆ | ਪਰ ਹੁਣ ਲੋਕਾ ਚ ਵੋਟਾਂ ਵੇਲੇ ਉਤਸ਼ਾਹ ਘੱਟ ਸੀ ਤੇ ਰਿਜਲਟ ਦਾ ਇੰਤਜਾਰ ਜਿਆਦਾ