ਇਸ ਸ਼ਹਿਰ ਚ ਚੋਰਾਂ ਦੀ ਬੱਲੇ ਬੱਲੇ ……………………………….

ਇਸ ਸ਼ਹਿਰ ਚ ਚੋਰਾਂ ਦੀ ਬੱਲੇ ਬੱਲੇ ……………………………….
ਚੰਡੀਗੜ ( ਪੰਕਜ ) ਚੰਡੀਗੜ ਚ ਚੋਰੀ ਦੇ ਪੰਜ ਮਾਮਲੇ ਦਰਜ ਕੀਤੇ ਹਨ | ਜਾਣਕਾਰੀ ਅਨੁਸਾਰ ਪਹਿਲੇ ਮਾਮਲੇ ਦੀ ਜਾਣਕਾਰੀ ਸੈਕਟਰ 15 ਦੇ ਰਹਿਣ ਵਾਲੇ ਜਸ਼ਨਪ੍ਰੀਤ ਸਿੰਘ ਨੇ ਪੁਲਿਸ ਨੂੰ ਦਿੱਤੀ ਹੈ | ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਕਿਸੇ ਅਣਪਛਾਤੇ ਵਿਅਕਤੀ ਨੇ ਉਸ ਦੀ ਸਵਿਫ਼ਟ ਕਾਰ ਉਸ ਦੀ ਰਿਹਾਇਸ਼ ਨੇੜਿਓ ਚੋਰੀ ਕਰ ਲਈ ਹੈ | ਅਜਿਹੇ ਹੀ ਦੂਜੇ ਮਾਮਲੇ ਦੀ ਸ਼ਿਕਾਇਤ ਸੈਕਟਰ 30 ਦੇ ਰਹਿਣ ਵਾਲੇ ਕੇਤਨ ਰਾਣਾ ਨੇ ਪੁਲਿਸ ਨੂੰ ਦਿੱਤੀ ਹੈ | ਸ਼ਿਕਾਇਤ ਕਰਤਾ ਦਾ ਐਕਟਿਵਾ ਸਕੂਟਰ ਵੀ ਕਿਸੇ ਅਣਪਛਾਤੇ ਨੇ ਸੈਕਟਰ 17 ਦੀ ਮਾਰਕੀਟ ‘ਚੋ ਚੋਰੀ ਕਰ ਲਿਆ | ਤੀਜੇ ਮਾਮਲੇ ਦੀ ਸ਼ਿਕਾਇਤ ਸੈਕਟਰ 33 ਦੇ ਸਾਹਿਲ ਅਗਰਵਾਲ ਨੇ ਪੁਲਿਸ ਨੂੰ ਦਿੱਤੀ ਹੈ | ਸ਼ਿਕਾਇਤਕਰਤਾ ਦੀ ਹਾਂਡਾ ਸਿਟੀ ਕਾਰ ਨੂੰ ਕਿਸੇ ਅਣਪਛਾਤੇ ਨੇ ਉਸ ਦੇ ਘਰ ਸਾਹਮਣਿਓ ਚੋਰੀ ਕਰ ਲਿਆ | ਇਸੇ ਤਰ੍ਹਾਂ ਮੌਲੀ ਜੱਗਰਾਂ ਦੇ ਰਹਿਣ ਵਾਲੇ ਸਰਬਪ੍ਰੀਤ ਸਿੰਘ ਦਾ ਮੋਟਰਸਾਈਕਲ ਵੀ ਕਿਸੇ ਨੇ ਸੈਕਟਰ 35 ‘ਚੋ ਚੋਰੀ ਕਰ ਲਿਆ | ਪੁਲਿਸ ਨੇ ਸ਼ਿਕਾਇਤਾਂ ‘ਤੇ ਕਾਰਵਾਈ ਕਰਦੇ ਹੋਏ ਸਬੰਧਤ ਪੁਲਿਸ ਸਟੇਸ਼ਨਾਂ ਵਿਚ ਮਾਮਲੇ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ |